چلتی کار بنی آگ کا گولہ،ڈرائیور نے کود کر بچائی جان

لکھنؤ: کرشنا نگر تھانہ حلقہ میں واقع کانپور روڈ میں چلتی کار میں اچانک آگ لگ گئی۔ آگ نے کچھ ہی منٹوں میں کار کو اپنی زد میں لے لیا۔ مقامی باشندوں نے آگ پر قابو پانے کی کوشش کی لیکن انہیں کامیابی نہیں مل سکی۔

اطلاع ملتے ہی موقع پر گومتی نگر اور عالم باغ فائر اسٹیشن سے آئی گاڑیوں نے کچھ ہی دیر میں آگ پر قابو پالیا۔

حالانکہ اس وقت تک کار مکمل طور سے جل کر راکھ ہوچکی تھی۔ سی ایف او منگیش کمار کے مطابق کانپور روڈ پر واقع اودھ انٹرکالج کے سامنے دوشنبہ کی شام قریب 30:4 بجے کار میں اچانک آگ لگ گئی۔

آگ لگنے سے سڑک پر افراتفری کاماحول پیدا ہوگیا۔ کسی طرح ڈرائیور نے کار سے کود کر جان بچائی۔

وہیں اطلاع پر پہنچے فائربریگیڈ ملازمین نے کچھ ہی دیر میںآگ پر قابو پالیا۔ آگ لگنے کی صحیح وجوہ کا پتہ نہیں چل سکا ہے۔ کوئی جانی نقصان نہیں ہوا ہے۔