کانپورمیںتیز رفتار ڈمپر کی ٹکر سے طالب علم کی موت

کانپور: گھاٹم پور قصبہ میںچوراہے کے نزدیک سائیکل سوار ایک طالب علم کو ڈمپر نے کچل دیا جس سے موقع پر ہی اس کی موت ہوگئی۔ حادثہ کے بعد فرار ہورہے ڈرائیور اور ڈمپر کوپولیس نے حراست میں لے لیا،پولیس نے لاش کو پوسٹ مارٹم کیلئے بھیج دیا ہے۔

گھاٹم پور کے آکشی محال کے رہنے والے رونق وشوکرما (۱۲)ولد رام ولاس وشوکرما درجہ سات کا طالب علم ہے، دوشنبہ کو روز کی طرح وہ گھر سے اسکول جانے کیلئے نکلاتھا،اسی دوران گھاٹم پور میں دکشت ہوٹل کے نزدیک پہنچتے ہی تیز رفتار ڈمپر ڈرائیور نے طالب علم رونق کو ٹکر ماردی،

جس سے اس کی موت ہوگئی۔موت کی اطلاع سن کر گھر والوں کا روروکر براحال تھا، پولیس نے لا ش کوقبضہ میں لے کر پوسٹ مارٹم کیلئے بھیج دیا، تھانہ انچارج پردیپ کمار سنگھ نے بتایاکہ طالب علم کی لاش کا پنچنامہ کرکے پوسٹ مارٹم کیلئے بھیجا گیاہے،ڈمپر ڈرائیور کو حراست میں لے کر قانونی کارروائی کی جارہی ہے۔