پنجاب میں ٹریکٹر اور کار میں ٹکر، 2 افراد جاں بحق

 پھگواڑہ، 24 مئی (یو این آئی) پنجاب کے جالندھر ضلع کے فلور شہر کے قریب جمعرات کی رات ٹریکٹر اور کار کے درمیان  ٹکر  میں دو لوگوں کی موت ہو گئی اور چار دیگر شدید زخمی ہو گئے۔

پولیس ذرائع نے آج بتایا کہ یہ واقعہ کل دیر رات اس وقت پیش آیا جب کار سوار لدھیانہ واپس آ رہے تھے۔ اسی دوران پیچھے سے ایک ٹریکٹر نے کار کو ٹکر مار دی، جس میں دو افراد کی موقع پر ہی موت ہو گئی اور چار افراد شدید زخمی ہو گئے۔ زخمیوں کو فلور اسپتال میں داخل کرایا گیا ہے۔

مرنے والوں کی شناخت سرون کمار اور بائیباو کے طور پر ہوئی ہے۔ واقعہ کی وجہ سے قومی شاہراہ پر آدھے گھنٹے تک  آمدورفت  متاثر رہی۔ پولیس نے مقدمہ درج کر لیا ہے۔