کترینہ کیف کو ڈائیلاگ بولنے اور ڈانس کرنا نہیں آتا تھا، شیکھر سمن

 معروف اداکار اور میزبان شیکھر سمن نے اداکارہ کترینہ کیف کے بالی ووڈ میں سفر کے آغاز کے حالات بتادیے میڈیا کے مطابق اداکارہ کترینہ کیف نے 2003ء میں فلم بوم سے بالی ووڈ میں انٹری دی تھی۔

ایک انٹرویو کے دوران شیکھر سمن نے بالی ووڈ انڈسٹری میں اداکاروں کے راستہ بنانے کے حوالے سے بات کی۔

کترینہ کیف کے بارے میں بات کرتے ہوئے انہوں نے کہا کہ دوسروں کے سفر سے ایک اشارہ لیں، کترینہ کیف کو دیکھیں جب وہ بوم فلم میں آئی تو وہ کھڑے ہو کر اپنے ڈائیلاگز نہیں کہہ سکتی تھیں۔

شیکھر سمن کا کہنا تھا کہ کترینہ کیف ڈانس بھی نہیں کر سکتی تھیں لیکن آج دیکھیں وہ کہاں پہنچ گئی ہیں۔ فلم راج نیتی اور زندگی نہ ملے گی دوبارہ میں ان کی کارکردگی دیکھیں۔

شیکھر سمن کا کہنا تھا کہ دھوم 3 میں بھی آپ یہ نہیں کہہ سکتے کہ یہ وہی لڑکی ہے جس نے اس طرح سے کام شروع کیا تھا، ایسا بہترین لوگوں کے ساتھ ہوتا ہے۔