لندن سائبر حملے: روسی گروپ ’کلن‘ پر ملوث ہونے کا الزام

برطانیہ میں این ایچ ایس پر سائبر حملوں کا الزام روسی گروپ’کلن‘ پر عائد کیا جا رہا ہے۔ برطانوی میڈیا کی رپورٹ کے مطابق این ایچ ایس اسپتال پر سائبر حملے کے بعد خون کی منتقلی کا نظام متاثر ہے جس کی وجہ سے اسپتال میں متعدد آپریشن منسوخ کر دیے گئے ہیں۔

رپورٹ میں بتایا گیا ہے کہ این ایچ ایس نے بلڈ گروپ ’او‘ کے ڈونرز سے خون کا عطیہ فوری دینے کی اپیل کر دی ہے۔

یاد رہےکہ منگل کو ہونے والے سائبر حملے میں برطانیہ کے کنگز کالج، گائز اور سینٹ تھامس اور دیگر اسپتال متاثر ہوئے تھے۔

سائبر حملوں کی وجہ سے اسپتالوں میں خون ’میچ‘ کرنے کا عمل تاخیر کا شکار ہوا تھا۔