امیتابھ بچن کولکتہ میں آٹھ لوگوں کے ساتھ ایک کمرے میں رہتے تھے

 ممبئی، 30 اگست (یو این آئی) بالی ووڈ کے میگا اسٹار امیتابھ بچن نے بتایا ہے کہ وہ کولکاتہ میں کام کے دوران آٹھ لوگوں کے ساتھ ایک کمرے میں رہتے تھے۔

امیتابھ بچن ان دنوں سونی انٹرٹینمنٹ ٹیلی ویژن کے علم پر مبنی گیم شو کون بنے گا کروڑ پتی (کے بی سی) سیزن 16 کو ہوسٹ کر رہے ہیں۔ کے بی سی کے حالیہ ایپی سوڈ میں، ایک کنٹسٹنٹ نے امیتابھ کو بتایا کہ وہ پونے میں آٹھ لوگوں کے ساتھ ایک کمرے میں رہتا ہے۔

امیتابھ بچن نے بتایا کہ وہ یہ سن کر حیران نہیں ہوئے، کیونکہ وہ خود بھی آٹھ لوگوں کے ساتھ رہاکرتے تھے۔

امیتابھ بچن نے کہا، آٹھ لوگ ایک کمرے میں؟ آٹھ سے ہمیں زیادہ حیرانی نہیں ہوئی۔ ہم اپنے کالج سے تعلیم مکمل کرنے کے بعد ملازمت کی تلاش میں نکلے تو کولکاتہ گئے۔ کسی طرح مجھے وہاں 400 روپے ماہانہ پر نوکری مل گئی۔

وہاں بھی سرجہاں ہم ٹھہرے ہوئے تھے وہاں ایک کمرے میں آٹھ لوگ تھے۔ بہت مزہ آتا تھا۔ ہم لوگ آٹھ تھے اورپلنگ دو۔ زمین پر سونا پڑتا تھا۔ آپس میں خوش رہتے تھے۔ آپس میں لڑائی ہوتی تھی کہ آج ادھر سوئیں گے، پلنگ ہر کون سوئے گا اور بستر پر رہے گا۔