سمستی پور میں قتل سمیت مختلف واقعات میں ملوث 50 افراد گرفتار

 سمستی پور، 3 اکتوبر (یو این آئی) بہار کے ضلع سمستی پور میں چلائے جارہے خصوصی چھاپہ مار کارروائی میں پولیس نے گزشتہ 24 گھنٹے کے دوران 50 لوگوں کو گرفتار کیا ہے۔

پولیس سپرنٹنڈنٹ اشوک مشرا نے جمعرات کو یہاں بتایا کہ درگا پوجا کے پیش نظر سماج دشمن عناصر پر نظر رکھنے کے لیے ضلع میں خصوصی چھاپہ مار مہم چلائی جارہی ہے۔ انہوں نے کہا کہ اس کے تحت قتل سمیت مختلف مقدمات میں ملوث 50 ملزمان کو گرفتار کر کے جیل بھیج دیا گیا ہے۔ انہوں نے کہا کہ چھاپہ مار کارروائی میں 100 لیٹر سے زائد غیر ملکی اور دیسی شراب بھی برآمد کی گئی ہے۔
پولیس سپرنٹنڈنٹ نے بتایا کہ گاڑیوں کی چیکنگ مہم کے تحت 12 گاڑیوں سے مجموعی طور پر 36 ہزار روپے جرمانہ وصول کیا گیا ہے۔