سعودی فرماں روا شاہ سلمان پھیپھڑوں کے انفیکشن کا شکار

ریاض سعودی فرماں روا شاہ سلمان بن عبدالعزیز کو ریاض کے اسپتال میں داخل کیا گیا جہاں ان کے طبی ٹیسٹ کیے گئے۔ رائل کلینکس نے شاہ سلمان بن عبدالعزیز کے پھیپھڑوں کے انفیکشن کے باعث ان کے طبی معائنے کی سفارش کی تھی جس کی بنا پر انہیں ریاض کے اسپتال میں داخل کیا گیا۔

پھیپھڑوں میں انفیکشن کی تشخیص کے بعد طبی ٹیم نے انفیکشن ختم ہونے تک اینٹی بائیوٹکس کے کورس پر مشتمل علاج تجویز کیا ۔ رپورٹ کے مطابق سعودی فرماں روا کے مطلوبہ میڈیکل ٹیسٹ کر لیے گئے ہیں۔ شاہی ایوان سے جاری بیان میں ان صحت اور تندرستی کی خواہش کا اظہار کیا ہے۔