امریکی صدارتی انتخابات: سروے میں ٹرمپ تمام ریاستوں میں ہیرس سے آگے

TRUMP POLLS AHEAD
واشنگٹن، 04 نومبر (یو این آئی) امریکی صدارتی انتخابات میں ریپبلکن پارٹی کے امیدوار ڈونالڈ ٹرمپ سروے میں ڈیموکریٹک پارٹی کی امیدوار کملا ہیرس سے 1.8 فیصد ووٹوں سے آگے ہیں۔

ایٹلس انٹیل ریسرچ کمپنی نے اپنے سروے کے بعد یہ اطلاع دی۔ کمپنی نے ٹویٹر پر کہاکہ “ٹرمپ تمام ریاستوں میں، خاص طور پر ایریزونا اور نیواڈا میں نمایاں مارجن سے آگے ہیں۔ “رسٹ بیلٹ کی کلیدی ریاستوں (مشی گن، وسکونسن، پنسلوانیا) میں مقابلہ سخت ہے۔”

سروے سے پتہ چلتا ہے کہ ٹرمپ ہر ریاست میں کم از کم ایک فیصد ووٹ لے کر ہیرس سے آگے ہیں۔ سروے میں پتا چلا کہ ریپبلکن امیدوار کے حق میں 6.8 فیصد پوائنٹس کا سب سے زیادہ ووٹ مارجن ایریزونا اور نیواڈا (5.5 فیصد پوائنٹس) میں دیکھا گیا جبکہ سب سے کم مارجن وسکونسن، مشی گن اور پنسلوانیا میں دیکھا گیا

جہاں مسٹر ٹرمپ کی قیادت 1.3، 1.5 رہی اور بالترتیب 1.7 فیصد ووٹوں سے آگے ہے۔ محترمہ ہیرس جارجیا میں 1.8 فیصد ووٹوں اور شمالی کیرولینا میں 3.6 فیصد ووٹوں سے مسٹر ٹرمپ سے پیچھے ہیں۔
ایک اور سروے کے نتائج سے ظاہر ہوا ہے کہ 49 فیصد امریکی ووٹرز آئندہ صدارتی انتخابات میں مسٹر ٹرمپ کو ووٹ دیں گے اور 47.2 فیصد محترمہ ہیرس کو ووٹ دیں گے۔
یہ سروے 1 اور 2 نومبر کے درمیان 2,463 امریکی شہریوں کے درمیان کیا گیا۔

امریکہ میں صدارتی انتخابات 5 نومبر کو ہوں گے۔ ٹرمپ تیسری بار صدارتی انتخابات میں حصہ لے رہے ہیں۔