اجے دیوگن کی فلم ’آزاد‘ کا ٹیزر ریلیز

 ممبئی : بالی ووڈ اداکار اجے دیوگن کی نئی فلم آزاد کا ٹیزر جاری کر دیا گیا ہے۔ فلم آزاد میں اجے دیوگن کے ساتھ ڈیانا پینٹی، امن دیوگن اور راشا تھاڈانی نظر آئیں گی۔

فلم آزاد کا ٹیزر فلم کے ہدایت کار ابھیشیک کپور نے سوشل میڈیا پر شیئر کیا ہے۔ انہوں نے لکھا، ہر جنگ میں، ہر بہادر جنگجو کے ساتھ، یقینی طور پر ایک وفادار گھوڑا رہا ہے۔ آزاد کا ٹیزر جاری ہوا، جنوری 2025 میں بڑی اسکرین پر رومانس دیکھیں۔

اس ٹیزر میں مہارانا پرتاپ کو دکھایا گیا ہے، جنہوں نے صرف آٹھ سے نو ہزار فوجیوں کے ساتھ 40 ہزار کی خطرناک دشمن فوج کا مقابلہ کیا۔ ٹیزر میں مہارانا پرتاپ کے گھوڑے پر فوکس کیا گیا ہے۔

ٹیزر میں انہیں ’ہاتھی کی قد و قامت، ’گردن مور کی طرح پتلی‘ اور ’بجلی کی طرح تیز‘ بتایا گیا ہے۔ فلم آزاد اجے دیوگن کے بھتیجے امن دیوگن اور روینہ ٹنڈن کی بیٹی راشا تھاڈانی کی بالی ووڈ ڈیبیو ہے۔