امریکہ میں سستی شرح سود کی وجہ سے سونے کی قیمتوں میں ہوسکتا ہے اضافہ

 ممبئی : صرافہ بازار  کا اندازہ ہے کہ سود کی شرح میں کمی شروع ہونے کے ساتھ ہی سونے کی قیمتوں میں اضافہ برقرار رہے گا۔ سونے پر کاما جیولری کے منیجنگ ڈائریکٹر (ایم ڈی) کولن شاہ نے جمعہ کو امریکی فیڈرل بینک فیڈ کی جانب سے شرح سود میں کمی کے اعلان کے بعد ایک تبصرہ میں کہا ’’جیسے جیسے ہم کم شرحوں کے دور میں آگے بڑھ رہے ہیں، سونے کی قیمت میں اضافہ جاری رہے گا۔

اس وقت بین الاقوامی بازار میں سونے کی قیمت  ایک  فیصد سے زائد اضافے کے ساتھ 2710 ڈالر کی سطح پر ہے۔ مسٹر شاہ کا خیال ہے کہ یہ سمت بنیادی طور پر گزشتہ رات امریکی سنٹرل بینک کی طرف سے پالیسی سود کی شرح میں 0.25 پوائنٹ کی کمی کی وجہ سے ہے۔

انہوں نے کہا کہ شرح میں کمی کی وجہ سے ڈی ایکس وائی (امریکی ڈالر انڈیکس) میں کمی ہوئی اور اس کے نتیجے میں سونے میں اضافہ ہوا۔ ڈالر انڈیکس میں کمی کا مطلب یہ ہے کہ ڈالر دیگر بڑی کرنسیوں کے مقابلے میں کمزور ہواہے۔

بازار کا خیال ہے کہ ہفتے کے آغاز میں سونے کی قیمتوں میں جو گراوٹ دیکھی گئی تھی اس کی کافی حد تک تلافی ہو گئی ہے۔ مسٹر شاہ نے کہا کہ سونے کی قیمتیں میں  عام طور پر کم سود والے نظام میں اضافہ ہوتا ہے۔

بازار  کا اندازہ ہے کہ امریکی فیڈ کی جانب سے یکے بعد دیگرے دو بار اعلان کٹوتی کے بعد  اب ماحول کم سود  نظام  کا  بن گیا ہے  اور ریزرو بینک آف انڈیا (آر بی آئی)  کی جانب  سے اگلے مہینے شرحوں میں کمی کی توقع کی جا سکتی ہے۔

مسٹر شاہ کا کہنا ہے کہ اس سے سونے کی قیمت میں تیزی کو بڑھاوا ملا۔ ان کا خیال ہے کہ چونکہ  ہمیں طویل مدتی شرح سود کے نظام میں نچلی  سطح پر رہنے کی توقع ہے، اس لیے سونے کی قیمتیں زیادہ رہنے کی امید ہے۔ جغرافیائی سیاسی کشیدگی سے زرد دھات کو مزید حمایت ملنے کی  توقع ہے۔ ہم سونے کی قیمت کی رفتار پر اپنے نقطہ نظر کا اعادہ کرتے ہیں۔

ان کا اندازہ ہے کہ طویل مدت میں سونے کی عالمی قیمت بیرون ملک 3000 ڈالراور گھریلو بازار میں 86,000 روپے تک پہنچ جائے گی۔