امرتسر میں دو اسلحہ اسمگلر گرفتار، اسلحہ برآمد

 امرتسر 8 نومبر (یو این آئی) غیر قانونی ہتھیاروں کی اسمگلنگ کے نیٹ ورک کو بڑا دھچکا لگاتے ہوئے، کاؤنٹر انٹیلی جنس، امرتسر نے دو اسمگلروں کو گرفتار کیا ہے۔
پنجاب پولیس کے ڈائریکٹر جنرل گورو یادو نے جمعہ کو کہا کہ گرفتار اسمگلروں کی شناخت آدتیہ کپور عرف مکھن اور رویندر سنگھ کے طور پر کی گئی ہے۔

پولیس نے ان کے قبضے سے ایک گلوک پستول سمیت چار ہتھیار، ، پانچ میگزین اور 14 راؤنڈ برآمد کیے ہیں۔

ابتدائی تفتیش سے معلوم ہوا ہے کہ گرفتار ملزم آدتیہ کپور کے خلاف 12 مجرمانہ مقدمات درج ہیں۔ وہ امریکی مجرموں بلوندر عرف ڈونی بال اور پربھدیپ عرف پربھ داسووال اور پرتگالی مجرم من پریت عرف مانو گھنشام پوریا کی ہدایات پر کام کر رہا تھا۔ یہ کرائم گینگ جگو بھگوان پوریا منظم کرائم گینگ کے حریف ہیں۔
ڈی جی پی یادو نے کہا کہ پولیس اسٹیشن ایس ایس او سی، امرتسر میں ایف آئی آر درج کی گئی ہے۔ ملزمان کی جانب سے اسمگلنگ کی سابقہ سرگرمیوں کا پتہ لگانے کے لیے مزید تفتیش جاری ہے۔