امریکہ میں کورونا وائرس کی وبا کے دوران 250 ارب ڈالر سے زیادہ کی چوری

 واشنگٹن : امریکہ میں کورونا وائرس وبائی امراض کے دوران سرکاری امداد کی ادائیگیوں میں فرضی اسکیموں کے نتیجے میں 250 ارب ڈالر سے زیادہ کی چوری ہوئی۔ امریکی قانون سازوں نے دو سال کی تحقیقات کے بعد ایک رپورٹ جاری کرتے ہوئے یہ معلومات دی۔

کورونا وبا پر سلیکٹ سب کمیٹی کی طرف سے شائع کردہ رپورٹ میں کہا گیا ہے، “فراڈ کرنے والوں نے وفاقی حکومت کے بے روزگاری کے نظام اور افراد کی ذاتی طور پر قابل شناخت معلومات کا فائدہ اٹھاکر امریکی ٹیکس دہندگان سے 191 ارب ڈالر سے زیادہ کی دھوکہ دہی کی۔

مزید برآں، دھوکہ بازوں اور مجرموں نے نام نہاد ‘پے چیک پروٹیکشن پروگرام’ کا فائدہ اٹھاتے ہوئے امریکی حکومت کی کم از کم 64 ارب ڈالر کی رقم چوری کرلی۔ اس پروگرام کے تحت امریکیوں کو قرضوں کی صورت میں مالی امداد فراہم کی جاتی تھی اور اسے معاف کیاجاسکتا تھا۔ اس رقم کو وبائی امراض کے دوران مالی امداد کے طور پر استعمال کیا گیا تھا۔

چھوٹے کاروباروں کی حمایت پر ناکافی کنٹرول کی وجہ سے دیگر  دو کروڑ کا نقصان ہوا۔
قابل ذکر ہے کہ 31 دسمبر 2019 کو چینی حکام نے عالمی ادارہ صحت کو ملک کے وسطی حصے (صوبہ ہوبی) کے ووہان شہر میں نامعلوم نمونیا کے پھیلنے کے بارے میں مطلع کیا تھا۔ جنوری 2020 کے اوائل میں، چین نے باضابطہ طور پر اعلان کیا کہ نامعلوم اصل کے وائرل نمونیا کا پھیلنا ایک نئی قسم کے کورونا وائرس کی وجہ سے ہوا ہے۔ ورلڈ ہیلتھ آرگنائزیشن کے سربراہ ٹیڈروس ایڈنوم گیبریئس نے 11 مارچ 2020 کو اعلان کیا کہ نئے کورونا وائرس کا پھیلاؤ ایک وبائی مرض کی طرح ہوتا ہے۔