اڈوانی کی طبیعت بگڑ ی، اپولو اسپتال میں داخل

 نئی دہلی : بھارتیہ جنتا پارٹی (بی جے پی) کے بزرگ لیڈر لال کرشن اڈوانی کو جمعہ کی دیر رات  دہلی کے اپولو اسپتال میں داخل کرایا گیا ہے۔ اسپتال ذرائع کے مطابق 96 سالہ اڈوانی کا علاج نیورولوجی ڈپارٹمنٹ کے سینئر کنسلٹنٹ ڈاکٹر ونیت سوری کی نگرانی میں کیا جا رہا ہے۔ اس کی حالت مستحکم ہے۔

اس سال کے شروع میں بھی  4 جولائی کو مسٹر اڈوانی کو اپولو اسپتال میں داخل کرایا گیا تھا۔ اس سے کچھ دن پہلے انہیں آل انڈیا انسٹی ٹیوٹ آف میڈیکل سائنسز (ایمس) میں علاج کے لیے لے جایا گیا تھا۔ ایمس میں علاج کے بعد اگلے دن انہیں اسپتال سے چھٹی دے دی گئی۔

اس کے بعد انہیں  6 اگست کو بھی اسپتال میں داخل کرایا گیا تھا۔ تاہم، ان کی بیٹی پرتبھا اڈوانی نے بتایا تھا کہ انہیں معمول کے چیک اپ کے لیے اسپتال لے جایا گیا تھا۔