جنگ غزہ کے آغاز سے اب تک دہشتگرد صیہونی حکومت کے ہاتھوں 45000 سے زائد فلسطینی شہید

غزہ کے خلاف صیہونی جارحیت میں شہداء کی تعداد میں مزید اضافہ ہوا ہے۔ فلسطین کی وزارت صحت کی رپورٹ کے مطابق غزہ کے خلاف صیہونی حکومت کی جارحیت میں اب تک پینتالیس ہزار ایک سو انتیس فلسطینی شہید ہوچکے ہيں۔ فلسطینی وزارت صحت نے اسی طرح بتایا ہے کہ گزشتہ چوبیس گھنٹوں میں صیہونی حملوں میں بتیس لوگ شہید اور چورانوے زخمی ہوئے ہيں۔

فلسطینی وزارت صحت کے مطابق گزشتہ چوبیس گھنٹوں میں شہید ہونے والوں کو ملا کر اب تک غزہ پٹی میں کل شہداء کی تعداد پینتالیس ہزار ،ایک سو انتیس تک پہنچ گئی ہے۔ اعلان کے مطابق غزہ پٹی پر صیہونی جارحیت میں زخمیوں کی تعداد بھی ایک لاکھ سات ہزار تین سو اڑتیس تک پہنچ گئی ہے۔

حالیہ مہینوں میں غزہ میں صیہونی جرائم ایسے عالم میں جاری ہیں کہ جب عالمی عدالت انصاف نے صیہونی وزير اعظم اور سابق وزیر دفاع کے خلاف نسل کشی اور جنگی جرائم کے ارتکاب کے لئے گرفتاری کا وارنٹ جاری کیا ہے۔