یوپی: گھریلو تشدد اور شراب نوشی سے تنگ خاتون نے 3 بچوں کے ساتھ کیا زندگی کا خاتمہ

لکھنؤ: پرتاپ گڑھ کے کوتوالی دیہات کے بھدوہی گاؤں میں ایک دردناک واقعہ پیش آیا، جہاں خاتون دُرگیشوری نے اپنی دو بیٹیوں لکشمی، اُجالا اور ایک بیٹے رونق کے ساتھ پھانسی لگا کر اپنی زندگی کا خاتمہ کر لیا۔ اطلاع ملتے ہی پولیس فوراً موقع پر پہنچی اور تفتیش شروع کر دی۔

بتایا جاتا ہے کہ دُرگیشوری کا شوہر سندیپ عرف راج تیجا شراب نوشی کا عادی تھا اور شراب پی کر اپنی اہلیہ پر تشدد کرتا تھا۔ اس سے تنگ آ کر دُرگیشوری نے اپنی دو بیٹیوں اور ایک بیٹے کے ساتھ کمرے میں خود کو بند کر لیا، اور چھت سے پھانسی کا پھندا لگا کر پہلے بچوں کو موت کی نیند سلا دیا، پھر خود پھانسی سے لی۔

صبح دیر تک جب کمرہ نہیں کھلا تو دُرگیشوری کی ساس نے کمرہ کھلوانے کی کوشش کی۔ آواز دینے پر دروازہ نہیں کھلا، تو پڑوسی کو بلایا گیا اور گیٹ توڑ کر اندر داخل ہوئے۔ وہاں کا منظر دیکھ کر وہ حیران رہ گئے، کیونکہ دُرگیشوری اور اس کے تینوں بچوں کی لاشیں پھانسی کے پھندے سے لٹک رہی تھیں۔ اس واقعے کی اطلاع فوراً پولیس کو دی گئی۔

ذرائع کے مطابق سندیپ کمار گوتم، جو بھدوہی گاؤں میں مزدوری کرتا تھا، جمعہ کی شام شراب کے نشے میں اپنی اہلیہ کی پٹائی کی تھی۔ اس کے بعد سب نے کھانا کھا کر سو گئے تھے اور پھر رات کے اندھیرے میں خاتون نے یہ دردناک قدم اٹھایا۔ پورے گاؤں میں اس واقعے کے بعد غم کا ماحول ہے۔ بتایا جاتا ہے کہ تینوں بچے ایک ساتھ پیدا ہوئے تھے اور ان کی عمر ڈیڑھ سال تھی۔