مرمو نے مہا کمبھ میں ہلاکتوں پر اظہار تعزیت کیا، زخمیوں کی جلد صحت یابی کی خواہش کی

 نئی دہلی : صدرجمہوریہ دروپدی مرمو نے جمعہ کو پارلیمنٹ کے مشترکہ اجلاس سے خطاب کرتے ہوئے پریاگ راج میں مہاکمبھ کے دوران بھگدڑ میں مارے گئے لوگوں کے تئیں تعزیت کا اظہار کیا اور زخمیوں کی جلد صحت یابی کی خواہش کی۔

محترمہ مرمو نے سابق وزیر اعظم منموہن سنگھ کو بھی خراج عقیدت پیش کیا۔
اپنے خطاب کے آغاز میں، محترمہ مرمو نے مونی اماوسیہ اسنان کے دوران بھگدڑ میں لوگوں کی موت پر غم کا اظہار کیا اور کہا، “اس وقت ملک میں مہاکمبھ کا تاریخی تہوار بھی چل رہا ہے۔

مہا کمبھ ہندوستان کی ثقافتی روایت اور ہندوستان کے سماجی شعور کا تہوار ہے۔ ملک اور دنیا کے کروڑوں عقیدت مندوں نے پریاگ راج میں مقدس اسنان کیا ہے۔ میں مونی اماوسیہ کے دن پیش آنے والے حادثے پر اپنے غم کا اظہار کرتی ہوں اور زخمیوں کی جلد صحت یابی کی خواہش کرتی ہوں۔

سابق وزیر اعظم ڈاکٹر سنگھ کو خراج عقیدت پیش کرتے ہوئے صدر جمہوریہ نے کہا، “کچھ دن پہلے ہی ہم نے ملک کے سابق وزیر اعظم ڈاکٹر منموہن سنگھ جی کو کھو دیا۔

ڈاکٹر منموہن سنگھ جی نے 10 سال تک وزیر اعظم کے طور پر ملک کی خدمت کی۔ وہ طویل عرصے تک پارلیمنٹ کے رکن بھی رہے۔ میں منموہن سنگھ جی کو دلی خراج عقیدت پیش کرتی ہوں۔