کارتک آریان اور ملائکہ اروڑا کی فلم مائی میلبورن کی اسپیشل اسکریننگ میں شرکت

ممبئی : بالی ووڈ کے مشہور ستاروں کارتک آرین اور ملائکہ اروڑا نے بہت انتظار کی جانے والی انتھولوجی فلم مائی میلبورن کی خصوصی اسکریننگ میں شرکت کی۔
فلم مائی میلبورن کی ہدایت کاری فلم انڈسٹری کے چار بہترین فلم سازوں کبیر خان، امتیاز علی، اونیر اور ریما داس نے کی ہے۔

فلم کی خصوصی اسکریننگ میں فلم کے پروڈیوسر میتو بھومک لانگے، پوری کاسٹ اور عملہ اور چار ہدایت کار کبیر خان، امتیاز علی (اپنے بھائی عارف علی کے ساتھ)، اونیر اور ریما داس موجود تھے۔

اس خاص موقع پر بالی ووڈ کے کئی ستارے بھی نظر آئے جن میں شوجیت سرکار، رسیکا دوگل، آہنا کمرا، امیت سادھ، نمرت کور اہلووالیہ، کرن ٹکر، انشومن جھا، آروشی شرما، وجے کرشنا اچاریہ، ریتھوک دھنجانی، میدھا شنکر اور بہت سے دوسرے شامل تھے۔

فلم مائی میلبورن چار منفرد کہانیوں پر مشتمل ہے جو ہجرت، شناخت اور بقا جیسے موضوعات کو تلاش کرتی ہے۔ یہ فلم ہندوستانی اور آسٹریلیائی سنیما کے بہترین ٹیلنٹ کو یکجا کرتی ہے۔
یہ ایک ایسی فلم ہے جو عاجزی، ہمدردی اور مہربانی کا جشن مناتی ہے۔ اس کے علاوہ کبیر سر، امتیاز سر، اونیر سر، اور ریما میڈم، اور تمام اداکاروں نے شاندار کام کیا ہے۔
فلم مائی میلبورن 14 مارچ کو ہندوستان میں ریلیز ہونے والی ہے۔