ناگپور فرقہ وارانہ تشدد: آگ زنی اور توڑ پھوڑ، متعدد زخمی، دفعہ 144 نافذ، امن برقرار رکھنے کی اپیل

ناگپور: مہاراشٹر کے ناگپور ضلع میں پیر کے روز ہوئے فرقہ وارانہ تشدد کے بعد پورے علاقے میں دفعہ 144 نافذ کر دی گئی ہے۔ گذشتہ روز شام کو ناگپور کے محل علاقے میں اورنگزیب کی قبر پر تنازع کے بعد دو گروپ آمنے سامنے آگئے۔

Lavc57.107.100

کچھ دیر بعد دونوں گروپوں کے بیچ پتھراؤ شروع ہوگیا۔ اس کئی گاڑیوں کو نقصان پہنچایا گیا اور آگ لگا دی گئی۔ واقعے کے بعد پورے علاقے میں کشیدگی پھیل گئی۔

ناگپور تشدد کیسے شروع ہوا؟

واضح رہے کہ پیر کو وشو ہندو پریشد نے ناگپور کے محل علاقے میں شیواجی مہاراج کے مجسمے کے سامنے اورنگزیب کی قبر ہٹانے کا مطالبہ کرتے ہوئے اشتعال انگیز احتجاج کیا۔ اس مظاہرے میں بجرنگ دل کے کارکنان بھی شامل تھے۔ اس دوران ہندو تنظیموں کے اس متنازع مطالبے کی مخالفت کرتے ہوئے کچھ لوگ سامنے آئے۔ کشیدگی بڑھتی دیکھ کر پولیس نے مظاہرین کو ہٹانے کی کوشش کی۔ تاہم اس دوران دونوں گروپوں نے ایک دوسرے پر پتھراؤ شروع کر دیا۔ وہیں پولیس اہلکاروں پر بھی پتھراؤ کا دعویٰ کیا جا رہا ہے۔

دونوں طرف سے پتھراؤ کے بعد کشیدگی مزید بڑھ گئی۔ اس دوران کئی گاڑیوں کو آگ لگا دی گئی۔ پتھراؤ سے متعدد افراد زخمی ہوگئے۔ پورے محل علاقے میں پولیس کی تعیناتی بڑھا دی گئی ہے۔ واضح رہے کہ آر ایس ایس کا ہیڈکوارٹر بھی محل کے علاقے میں واقع ہے۔ دوسری جانب فائر بریگیڈ کے ایک اہلکار نے بتایا کہ ‘تشدد کے دوران دو جے سی بی کو آگ لگ گئی اور کچھ دیگر گاڑیوں کو بھی نقصان پہنچا۔ انہوں نے کہا کہ اس تشدد میں ایک فائر مین بھی زخمی ہوا ہے۔

لاٹھی چارج اور آنسو گیس کے گولوں کا استعمال

تشدد کے بیچ صورتحال پر قابو پانے کے لیے پولیس نے لاٹھی چارج بھی کیا اور مظاہرین کو منتشر کرنے کے لیے آنسو گیس کے گولے بھی داغے۔ کشیدگی بڑھتی دیکھ کر پولیس کی اضافی نفری طلب کر لی گئی ہے۔ ایک سینئر پولیس افسر نے تصدیق کی کہ حساس علاقوں میں سیکورٹی سخت کر دی گئی ہے، کوئیک ری ایکشن ٹیم (QRTs)، فسادات پر قابو پانے والی پولیس اور اسٹیٹ ریزرو پولیس فورس (SRPF) کو تعینات کر دیا گیا ہے۔ مختلف تھانوں سے اضافی پولیس نفری طلب کر لی گئی ہے۔

ناگپور کے پولس کمشنر کا بیان

ناگپور کے پولس کمشنر ڈاکٹر رویندر سنگھل نے کہا کہ اس وقت صورتحال قابو میں ہے۔ انہوں نے کہا کہ اس معاملے میں ایف آئی آر درج کر لی گئی ہے، جس کی بنیاد پر مزید کارروائی کی جائے گی۔ انہوں نے بتایا کہ یہ واقعہ رات 8 سے 8.30 بجے کے قریب پیش آیا۔ انہوں نے کہا کہ کچھ گاڑیوں کو آگ لگا دی گئی اور پتھراؤ کیا گیا۔ پولیس سرچ آپریشن کر رہی ہے اور ملزمین کی شناخت کر کے انہیں گرفتار کیا جا رہا ہے۔ علاقے میں دفعہ 144 نافذ کر دی گئی ہے۔ تمام لوگوں کو ہدایت دی گئی ہے کہ وہ بلا ضرورت گھر سے باہر نہ نکلیں اور قانون کو اپنے ہاتھ میں لینے سے گریز کریں۔ افواہوں پر دھیان نہ دیں۔ محل علاقے کو چھوڑ کر پورا شہر پرامن ہے۔”

چیف منسٹر دیویندر فڑنویس نے کی اپیل

سی ایم دیویندر فڑنویس نے شہریوں سے اپیل کی ہے کہ وہ انتظامیہ کے ساتھ مکمل تعاون کریں۔ انہوں نے کہا کہ “وہ پولیس انتظامیہ کے ساتھ مسلسل رابطے میں ہیں اور شہریوں کو انتظامیہ کے ساتھ تعاون کرنا چاہیے۔ ناگپور ایک ایسا شہر ہے جو امن کے لیے جانا جاتا ہے اور ایک دوسرے کی خوشی اور غم میں شریک ہوتا ہے۔ یہ ناگپور کی مستقل روایت رہی ہے۔ ایسے حالات میں کسی بھی افواہ پر یقین نہ کریں اور انتظامیہ کے ساتھ مکمل تعاون کریں۔”

نتن گڈکری کی اپیل