غزہ: مارکیٹ سمیت مختلف علاقوں پر اسرائیلی حملے، 40 فلسطینی شہید

اسرائیل نے مارکیٹ سمیت غزہ کے مختلف علاقوں پر حملہ کر کے مزید 40 فلسطینیوں کو شہید کر دیا۔

غیر ملکی خبر رساں ادارے کے مطابق اسرائیل کی جانب سے راشن تقسیم کرنے والے مرکز پر بم باری کی گئی۔

اسرائیلی فورسز نے مارکیٹ سمیت غزہ کے مختلف علاقوں پر حملہ کر کے مزید 40 فلسطینیوں کو شہید کر دیا۔

اسرائیل کے دوبارہ جنگ شروع کرنے سے غزہ میں پھر شدید بھوک کا خطرہ ہے، ورلڈ فوڈ پروگرام

میڈیا رپورٹس کے مطابق 3 ہفتوں سے غزہ میں ہر طرح کے امدادی سامان کی ترسیل روکے جانے سے فلسطینی رمضان میں شدید بھوک و افلاس کا شکار ہیں۔

اس حوالے سے اقوامِ متحدہ کا کہنا ہے کہ اسرائیل نے 80 فیصد سے زائد امداد کی نقل و حمل روک رکھی ہے۔