بارہ بنکی میں دلت خاتون کی عصمت دری کی کوشش، ناکام ہونے پر چہرے پر کر دیا گیا پیشاب

بارہ بنکی، اترپردیش: رامسانی گھاٹ تھانہ علاقہ کے ایک گاؤں میں ایک دبنگ نوجوان نے ایک دلت خاتون کی عصمت دری کرنے کی کوشش کی۔ الزام ہے کہ جب وہ ناکام ہوا تو نوجوان نے اس کی دو ماہ کی بیٹی کو قتل کرنے کی دھمکی دی اور اس کے چہرے پر پیشاب کر دیا۔ پولیس نے متاثرہ کی شکایت پر مقدمہ درج کرلیا ہے۔

اکیلا پا کر چھیڑ چھاڑ شروع کر دی

متاثرہ لڑکی نے پولیس کو بتایا ہے کہ وہ اپنی دو ماہ کی بیٹی اور اپنے سسرال والوں کے ساتھ رہتی ہے۔

اس کے شوہر سورت میں کام کرتے ہیں۔ 10 جون کی شام کو اس کی ساس کسی رشتہ دار کے گھر گئی ہوئی تھی اور اس کے سسر کسی کام سے باہر تھے۔ الزام ہے کہ اس دوران ابھینو ورما گھر میں داخل ہوا اور اسے اکیلا پا کر اس کے ساتھ چھیڑ چھاڑ شروع کر دی۔

متاثرہ لڑکی کے چیخنے پر ملزم نے اس کے منہ میں کپڑا ٹھونسا اور زیادتی کی کوشش کی۔ متاثرہ نے ملزم کو دھکا دے کر بھاگنے کی کوشش کی تو اس نے دو ماہ کی بیٹی کو پھینکنے کی دھمکی دی۔

ذات پات کے حوالے سے نازیبا زبان کا استعمال

متاثرہ لڑکی کا الزام ہے کہ ملزم نے اس کے ساتھ زیادتی کرنے میں ناکامی کے بعد اس کے چہرے پر پیشاب کردیا۔

ملزم نے متاثرہ کے ساتھ ذات پات کے حوالے سے نازیبا زبان استعمال کی۔ اس نے اسے جان سے مارنے کی دھمکی بھی دی۔ جب متاثرہ لڑکی کے سسر واپس آئے تو اس نے انہیں سارا واقعہ سنایا۔ پولس انسپکٹر انکت ترپاٹھی نے بتایا کہ متاثرہ کی شکایت کی بنیاد پر مقدمہ درج کر لیا گیا ہے اور کارروائی کی جا رہی ہے۔ ملزمان کو جلد گرفتار کر لیا جائے گا۔ اس کی تلاش جاری ہے۔