امریکا، قطر، مصر کی غزہ جنگ بندی کی کوششیں جاری

امریکی میڈیا کے مطابق تینوں ملکوں نے غزہ جنگ بندی کی نئی تجاویز پیش کردیں۔

قطر میں جاری اسرائیل حماس مذاکرات میں پیش رفت نہ ہوسکی۔

دوسری جانب فلسطینیوں کی مزاحمتی تنظیم حماس نے کہا ہے کہ غزہ میں قحط تباہ کن سطح پر پہنچ چکا ہے۔

غزہ سٹی سے حماس کے اعلامیہ کے مطابق غزہ میں قحط تباہ کن سطح پر ہے اور بھوک کا اسلحے کے طور پر استعمال اور قتل عام جاری ہے۔

حماس کے مطابق بچوں اور سویلین آبادی کیخلاف جدید تاریخ کا بدترین جرم ہو رہا ہے۔ غزہ میں انسانی حالات ہولناک تباہی کا شکار ہیں۔