لکھنؤ۔(نامہ نگار)۔ رائے دہندگان کو بیدار کرنے و بی جے پی کی حمایت میں ووٹ دینے کیلئے جمعرات کو یکہ تانگا ریلی نکالی گئی۔ ریلی حسین گنج واقع ڈائمنڈ ڈیری سے حضرت گنج چوراہے تک نکالی گئی۔ یکہ تانگا ریلی کا مقصد رائے دہندگان کو ووٹ دینے کے تئیں بیدار کرنا تھا۔ اس کے علاوہ یکہ میں شامل لوگوں نے بی جے پی کے حق میں ووٹ دینے کیلئے لوگوں سے اپیل کی۔ یکہ تانگا ریلی میں نعرے لکھے ہوئے پوسٹر لوگ لئے ہوئے تھے۔ ریلی کی قیادت سابق رکن اسمبلی سریش تیواری ، سردار ستیہ ویر سنگھ راجو، سدھیر حلواسیہ، رمیلا دوہرے، ایم پی دکشت وغیرہ کارکنان کررہے تھے۔ اس کے علاوہ ان کے ساتھ کینٹ کنوینر آنند دیویدی، اشوک تیواری، ایم پی تیواری، سدھری شریواستو، دھرمیندر تیواری وغیرہ نے بھی عوام سے رابطہ کرتے ہوئے بی جے پی امیدوار راج ناتھ سنگھ کے حق میں ووٹ دینے کی اپیل کی۔
