صدر ٹرمپ نے یوکرین میں امن کا راستہ کھولا ہے: روسی صدر

روسی صدر ولاد میر پیوٹن نے کہا ہے کہ صدر ٹرمپ نے یوکرین میں امن کے راستے کو کھولا ہے۔ غیرملکی میڈیا کے مطابق روسی صدر ولادی میر پیوٹن نے ایس سی او کے چین شہر تیانجن میں خطاب کرتے ہوئے کہا کہ ان کا ملک اس اصول پر قائم ہے کہ کوئی ملک دوسرے کے نقصان پر اپنی سلامتی کو یقینی نہیں بنا سکتا ہے۔

روسی صدر ولادی میر پیوٹن نے یوکرین کے بحران پر تبصرہ کرتے ہوئے کہا کہ یوکرین میں بحران حملے سے نہیں بلکہ یوکرین میں مغربی اتحادیوں کی حمایت یافتہ بغاوت سے ہوا۔

انہوں نے کہا کہ مغرب کی یوکرین کو نیٹو میں شامل کرنے کی کوششیں یوکرین بحران کی وجوہات میں سے ایک ہے۔

روسی صدر نے کہا کہ یوکرین میں بحران کی بنیادی وجوہات کو حل کرنا اور سیکیورٹی کا توازن قائم کرنا ضروری ہے۔

روسی صدر پیوٹن نے چینی صدر اور دیگر رہنماؤں کے ساتھ الاسکا میں امریکی صدرٹرمپ کے ساتھ سمٹ کے نتائج پرگفتگو کی۔

انہوں نے مزید بتایا کہ امریکا کے ساتھ الاسکا سمٹ میں سمجھوتے طے پائے ہیں اور امریکی صدر نے یوکرین میں امن کے لیے راستہ کھولا ہے۔