تانیا مانکتالا آدتیہ نمبالکر کی اگلی فلم میں راج کمار راؤ کے ساتھ نظر آئیں گی

 ممبئی : اداکارہ تانیا مانکتالا فلمساز آدتیہ نمبالکر کی اگلی فلم میں اداکار راج کمار راؤ کے ساتھ کام کریں گی۔ تانیا مانکتالا اب راج کمار راؤ کے ساتھ آدتیہ نمبالکر کی آنے والی فلم میں کام کریں گی، جو ہندوستان کے تعلیمی نظام کی حقیقتوں پر مبنی ہے۔

آدتیہ نمبالکر کی تحریر اور ہدایت کاری میں بننے والی یہ فلم طلباء اور اساتذہ کو درپیش تعلیمی دباؤ، جذباتی جدوجہد اور نظام سے متعلق چیلنجوں کو ایمانداری سے پیش کرے گی۔ تانیا فلم میں ایک کلیدی کردار ادا کررہی ہے، جو کہانی کے جذباتی مرکز کو تشکیل دیتی ہے۔

پروجیکٹ کے قریبی ذرائع نے کہاکہ “یہ فلم اس میں شامل ہر فرد کے لیے دلچسپی کی وجہ ہے۔ آدتیہ نے اس موضوع کو گہرائی سے سمجھا ہے۔ تانیا کا کردار، خاص طور پر بہت سے نوجوانوں کی آواز کی عکاسی کرتا ہے جو اس پیچیدہ اور مشکل تعلیمی نظام میں اپنا راستہ تلاش کرنے کی کوشش کر رہے ہیں۔

اے سوٹیبل بوائے، ٹروٹھ پری:وین لو بائٹس اور پی آئی مینا جیس پروجیکٹس میں اپنی شاندار پرفارمنس کے لیے جانی جانے والی تانیا ایک بار پھر ایک ایسی کہانی کا حصہ بننے کے لیے تیار ہے۔

راج کمار راؤ نہ صرف اس فلم میں اداکاری کر رہے ہیں بلکہ اسے پروڈیوس بھی کر رہے ہیں، جس کی ہدایت کاری آدتیہ نمبالکر کر رہے ہیں۔