بولیویہ میں بس پہاڑی سڑک سے نیچے گرنے سے کم از کم 16 لوگوں کی موت

 لا پاز : بولیویہ کے وسطی کوچابامبا علاقے میں پیر کے روز بین ریاستی روٹ کی بس پہاڑی سڑک سے 600 میٹر سے زیادہ نیچے گرنے سے کم از کم 16 افراد ہلاک اور 36 دیگر زخمی ہو گئے۔

ریجنل پولس کمانڈر راجر کوسٹاس نے تصدیق کی کہ زخمیوں بشمول 23 سالہ ڈرائیور کو کوئلاکلو کے اسپتالوں میں لے جایا گیا ہے۔

بولیویہ کے قومی ٹرانسپورٹ کے سربراہ، عمر زیگادا کے مطابق گاڑی میں موڑ پر گر کر تباہ ہوگئی، جہاں پر سڑک بہت تنگ تھی اور حد بصارت بھی کم تھی۔

سوشل میڈیا پر شیئر کی جانے والی تصاویر میں امدادی کارکنوں اور مقامی افراد کو ملبے سے لاشوں اور زندہ بچ جانے والوں کو بچاتے ہوئے دکھایا گیا ہے۔

ہنگامی عملے کے پہنچنے سے پہلے امدادی کارروائیوں میں مدد کرنے والے مقامی باشندے نے بتایا کہ”بس مکمل طور پر تباہ ہوگئی، اور بہت سے مسافر تباہ شدہ ڈھانچے میں پھنس گئے”۔

ٹرانسپورٹ کے اہلکار نے صحافیوں کو بتایا کہ گاڑی اصل میں کارگو ٹرک تھی جسے بعد میں مسافروں کی نقل و حمل کے لیے تبدیل کیا گیا تھا۔
ابتدائی تحقیقات سے پتہ چلتا ہے کہ بس اوور لوڈ تھی اور تیز رفتاری سے سفر کر رہی تھی۔

ڈرائیور کو لاپرواہی سے گاڑی چلانے کے الزام میں حراست میں لیا گیا ہے۔