وی وی ایس لکشمن آج بھی اپنی دلکش بلے بازی اور شاندار کارناموں کے لیے مشہور ہیں

  نئی دہلی : ہندوستانی کرکٹ ٹیم کے مشہور کرکٹ کھلاڑی وی وی ایس لکشمن ان نایاب کھلاڑیوں میں سے ایک ہیں جنہوں نے ہندستان کے لئے اپنی بہترین خدمات انجام دیں۔ لکشمن کئی برسوں سے ہندستانی کرکٹ کا حصہ رہے ہیں۔

اس وقت وہ کرکٹ کی دنیا سے ریٹائر ہو چکے ہیں لیکن آج بھی  وہ کرکٹ کی دنیا کے پرانے کھلاڑیوں میں نظر آتے ہیں ۔وہ سچن تندولکر، راہل دراوڑ اور سورو گنگولی کی طرح اتنی شہرت تو حاصل نہیں کرسکے البتہ لکشمن ہندستانی ٹیم کے لئے یقیناً ایک قیمتی کھلاڑی ضرور ثابت ہوئے۔

ونگی پورپو وینکٹا سائی لکشمن یکم نومبر 1974 کو آندھرا پردیش میں پیدا ہوئے۔ لکشمن کی پیدائش وی شانتارام اور وی ستیہ بھاما کے ہاں ہوئی۔ وی وی ایس لکشمن   آندھرا پردیش کے ایک نیاگی برہمن خاندان سے تعلق رکھتے ہیں۔لکشمن کا تعلق ایک اعلیٰ تعلیم یافتہ گھرانے سے ہے۔ ان کے والدین ڈاکٹر ہیں ۔

ابتدائی تعلیم کے لیے وہ لٹل فلاور ہائی اسکول حیدرآباد گئے۔ لکشمن نے کچھ عرصہ میڈیکل سائنس کی تعلیم حاصل کی ۔ لیکن بعد میں انہوں نے کرکٹ کو اپنا پیشہ بنایا۔ہندستان کے بہت ہی خاص بلے باز لکشمن ہندوستان کے دوسرے صدر ڈاکٹر سرو پلی رادھا کرشنن کے بھتیجے ہیں۔
لکشمن ہمیشہ ہندوستان کو مصیبت سے نجات دلانے والے بلے باز ثابت ہوئے۔لکشمن نے حیدرآباد کے لیے سال 1992-93 رنجی ٹرافی کے کوارٹر فائنل میچ میں پنجاب کے خلاف اپنا فرسٹ کلاس ڈیبیو کیا۔ انہوں نے 1994/95 دلیپ ٹرافی کے لیے ساؤتھ زون اسکواڈ میں جگہ بنائی اور انڈیا انڈر 19 کے لیے اپنی بہترین کارکرگی کا مظاہرہ کیا۔ تاہم، وہ ٹورنامنٹ میں توقعات پر پورا نہیں اترے۔ اسی سال لکشمن نے رنجی ٹرافی میں پانچ میچوں میں 532 کی اوسط سے 76 رنز بنائے۔

اس کے بعد انہوں نے اگلے سال رنجی سیزن میں ایک اور شاندار اننگز کھیلی جہاں انہوں نے صرف 11 اننگز میں 775 رنز بنائے۔ جس میں کرناٹک کے خلاف 3 سنچریاں اور 203 رن ناٹ آؤٹ  کا بہترین اسکور شامل تھا۔

شاندار کارکردگی کے ساتھ ہی لکشمن کو ایرانی کپ میں کرناٹک کے خلاف ریسٹ آف انڈیا کے لیے کھیلنے اور بورڈ پریذیڈنٹ الیون اسکواڈ میں کھیلنے کا موقع ملا۔

ایک زمانے میں وی وی ایس لکشمن حیدرآباد کرکٹ ٹیم کی نمائندگی کرتے تھے۔ اپنی زندگی کے ابتدائی دنوں میں، وہ حیدرآباد ڈومیسٹک کرکٹ یا لنکاشائر کاؤنٹی کے لیے کھیلے۔ وہ دکن چارجرز کی ٹیم (انڈین پریمیئر لیگ) کے کپتان بھی رہ چکے ہیں، انہیں ٹیسٹ کرکٹ کےلئے بہت اچھا بلے باز سمجھا جاتا تھا۔لکشمن کا بلے بازی کا اپناہی خاص انداز تھا۔

وہ نہایت سنبھل کر اسٹروک لیتے تھے۔ گیندوں کوسمجھنے اور اس پرصحیح ضرب لگانے کا تجربہ لکشمن کو خوب آتا تھا۔  جب وہ ٹیسٹ میچ کے لئے میدان میں بلے بازی کرنے اترتے تھے تو ان کو جلد آؤٹ کرنا مشکل ہوجاتا تھا۔ کئی میچ ایسے  بھی ہیں جن میں لکشمن نے  اپنی پرسکون بلے بازی  کا مظاہرہ کیا اور پورے  دن اکیلے میچ کھیلتے رہے۔

لکشمن نے اپنی شاندار گھریلو کارکردگی سے سلیکشن کمیٹی کی خاص توجہ حاصل کی۔ لکشمن نے آخر کار 1996 میں احمد آباد میں جنوبی افریقہ کے خلاف میچ سے اپنا بین الاقوامی ٹیسٹ ڈیبیو کیا۔

وی وی ایس کو 1997 میں ویسٹ انڈیز میں اننگز کا آغاز کرنے کے لیے بھی کہا گیا تھا۔ انہوں نے کنگسٹن میں بطور اوپننگ بلے باز اپنی پہلی اننگز میں 64 رنز بنائے۔

لکشمن نے اپنے ٹیسٹ کرکٹ کا آغاز 1999 میں احمد آباد میں جنوبی افریقہ کے خلاف کیا، بعد ازاں جنوری 2000 میں انہیں آسٹریلیا کے دورے کے لیے ہندوستانی کرکٹ ٹیم میں منتخب کیا گیا۔ جس میں انہوں نے آخری ٹیسٹ میں بہت اچھے رنز بنائے تھے، بعد میں انہوں نے کچھ دنوں کے لیے ٹیسٹ میچ کھیلنا بند کر دیا، کچھ وقت گزر جانے  کے بعد  انہوں نے دوبارہ ٹیسٹ کھیلنا شروع کر دیا، اس طرح ان کا کرکٹ کیریئر برقرار رہا اوول میں 2007 کے آخری کاؤنٹی چیمپئن شپ میچ کے دوران، وی وی ایس لکشمن نے دوسری اننگز میں سنچری اسکور کی کیونکہ لنکاشائر نے جیت کے لیے 489 رنز کا ہدف دیا۔ صرف 25 رنز سے کم ہونے کے باوجود، لنکاشائر بالآخر سسیکس سے چیمپئن شپ ہار گئی۔

اگرچہ وہ 1998 میں نیوزی لینڈ کا دورہ کرنے والی ٹیسٹ ٹیم میں منتخب ہوئے تھے لیکن انہیں ایک بھی میچ کھیلنے کا موقع نہیں ملا۔ بعد میں، انہیں او ڈی آئی جرسی پہننے کے لیے منتخب کیا گیا، لیکن لکشمن نے 1998 پیپسی ٹرائی سیریز میں زمبابوے کے خلاف اپنے او ڈی آئی ڈیبیو پر صفر اسکور کیا۔

جنوری 2000 میں، وی وی ایس لکشمن آسٹریلیا کے دورے کے لیے ہندوستانی ٹیم میں واپس آئے۔ جہاں دوسرے بلے باز گلین میک گرا کی زبردست باؤلنگ کے خلاف جدوجہد کر رہے تھے، لکشمن سڈنی میں آخری ٹیسٹ میں شاندار 167 رنز بنا کر چمکے۔ ان کی عمدہ کارکردگی آسٹریلیا کے خلاف 2007-08 کی ٹیسٹ سیریز تک پہنچی، جہاں انہوں نے ہندوستان کی واپسی میں کلیدی کردار ادا کیا۔

سڈنی ٹیسٹ میں لکشمن نے شاندار 109 رنز بنائے، یہ ان کی 12ویں ٹیسٹ سنچری اور آسٹریلیا کے خلاف 5ویں سنچری تھی۔وی وی ایل لکشمن اپنے فرسٹ کلاس ڈیبیو میں صفر پر آؤٹ ہوئے۔ اپنا پہلا ون ڈے میچ کھیلنے کے بعد بھی وہ کھاتہ کھولے بغیر ہی پویلین واپس لوٹ گئے۔

لکشمن، جنہوں نے 1996 میں ہندوستان کے لیے ٹیسٹ اور 1998 میں ہندوستان کے لیے ون ڈے ڈیبیو کیا، اپنا آخری بین الاقوامی میچ 2012 میں آسٹریلیا کے خلاف اپنی ہی سرزمین پر کھیلا۔ 1992 میں اپنا پہلا فرسٹ کلاس میچ کھیلنے والے وی وی ایس کا کیریئر چمکتا سورج تھا۔ ہندستان کے لیے 134 ٹیسٹ اور 86 ون ڈے میچ کھیلے، جس میں اس نے بالترتیب 8781 اور 2338 رنز بنائے۔

سال  2001 میں ایڈن گارڈنز میں آسٹریلیا کے خلاف کھیلی گئی 281 رنز کی ان کی یادگار میچ وننگ اننگز آج بھی لوگوں کے ذہنوں میں یاد ہے جب ہندوستان نے فالو آن کھیل کر میچ جیتا تھا۔

لکشمن نے ہمیشہ آسٹریلیائی ٹیم کے خلاف شاندار کھیل کا مظاہرہ کیا جو اپنے دور کی سب سے مضبوط ٹیم سمجھی جاتی تھی۔ انہیں سابق آسٹریلوی کپتان ایان چیپل نے وی.ری ویری اسپیشل کا خطاب بھی دیا تھا۔ تعجب کی بات ہے کہ لکشمن نے    134 ٹیسٹ کھیلے ہیں لیکن ایک بھی ورلڈ کپ میں حصہ  نہیں لے سکے۔

لکشمن نےاپنے کرکٹ کیرئر میں ہندستان کے لئے134  ٹسٹ میچوں میں 45.97 کی اوسط سے 8781 رن بنائے۔ جن میں ان کی شاندار 17 سنچریاں اور 56 نصف سنچریاں شامل ہیں۔ اس دوران انہوں نے ایک ڈبل سنچری 281 رن بھی بنائے۔ ان کا بہترین اسٹرائیک رن ریٹ 49.37  ہے۔

ایک روزہ 86 میچوں میں انہوں نے 30.76 کی اوسط سے 2338 رن بنائے۔ و ن ڈے میچوں میں ان کی 6 سنچریاں اور 10 نصف سنچریاں  شامل ہیں۔ ان کا بہترین اسکور 131 رن ہے۔ فرسٹ کلاس 267 میچوں میں لکشمن نے51.64 کی اوسط سے  19730 رن  بنائے۔ ان کا فرسٹ کلاس میچوں میں سب سے بہترین اسکور 353 رہا۔
انہوں  نے ان میچوں میں 55 سنچریاں اور 98 نصف سنچریاں بنائیں۔ لکشمن نے  ٹی 20 میچوں میں 25 میچوں میں 25 اننگز کھیل کر 491 رن بنائے۔ جس میں کا سب سے اچھا اسکور 78 رن ناٹ آؤٹ رہا۔

لکشمن نے 134  ٹسٹ میچوں میں 13 اننگز میں گیند بازی بھی کی۔ جس میں انہوں نے 126 رن دے کر 2وکٹ بھی حاصل کئے۔ ایک روزہ میچوں میں لکشمن نے 86 میچوں میں 4 اننگز میں گیند بازی بھی کی لیکن انہیں کوئی کامیابی حاصل نہیں ہوسکی۔ البتہ فرسٹ کلاس میچوں میں  267 میچوں میں 754 رن دے کر 22 وکٹ حاصل کئے۔

لکشمن نے 20 نومبر 1996 کو جنوبی افریقہ کے خلاف احمد آباد میں اپنے ٹسٹ میچوں کا آغاز کیا۔ 24 جنوری 2012 کو انہوں نے آسٹریلیا کے ایڈیلیڈ میں اپنا آخری ٹسٹ میچ کھیلا۔لکشمن نے ایک روزہ میچوں کی شروعات سال 1998 میں 9 اپریل کو کٹک میدان میں زمبابوے کے خلاف کی جبکہ انہوں نے اپنا آخری ایک روزہ میچ سنچورین میں 3  دسمبر 2006 کو جنوبی افریقہ کے خلاف کھیلا۔