انگلینڈ میں 3.3 شدت کا زلزلہ، جھٹکے لندن تک محسوس کیے گئے

غیر ملکی میڈیا رپورٹس کے مطابق زلزلہ رات 11 بج کر 23 منٹ پر لنکاشائر کے علاقے میں تقریباً تین کلومیٹر گہرائی میں آیا۔ زلزلے کے جھٹکے ساؤتھ لیکس، لنکاشائر، کینڈل اور الورفسٹن سمیت 20 کلو میٹر کے علاقے تک محسوس کیے گئے۔

برطانوی جیولوجیکل سوسائٹی کے مطابق زلزلے کی شدت 3.3 ریکارڈ کی گئی جبکہ کچھ رپورٹس میں اسے 3.4 شدت کا بتایا گیا ہے۔ ایک ہزار سے زائد شہریوں کے جھٹکے محسوس کرنے کی اطلاعات ہیں۔

غیر ملکی میڈیا کے مطابق یہ گزشتہ 24 گھنٹوں کے دوران برطانیہ میں آنے والا دوسرا زلزلہ ہے۔

حکام کا کہنا ہے کہ اس نوعیت کا زلزلہ نقصان کا باعث نہیں بنتا تاہم شہریوں کو صورتحال پر نظر رکھنے کی ہدایت کی گئی ہے۔