ممبئی( وارتا)بالی ووڈمیں اپنی سنجیدہ اداکاری کیلئے مشہورکنگناراناوت کا کہنا ہے کہ وہ نیویارک میں عام لڑکی کی طرح رہتی ہیں۔ کنگناراناوت کچھ دن قبل اسکرین پلے رائٹنگ کورس کرنے کیلئے نیویارک گئی تھیں کنگنااب اسی کورس کو مکمل کرنے کیلئے جون میں ایک بار پھر نیویارک جائیں گی۔ کنگنانے کہا کہ میں تنوویڈس منو کے سیکول کی شوٹنگ شروع کرنے سے قبل اسکرین پلے رائٹنگ کورس مکمل کروں گی۔کنگنانے کہا کہ مجھے نیویارک میں رہنا پسند ہے کیوں کہ وہاں میں ایک عام لڑکی کی طرح رہتی ہوں۔ مجھ پر اسٹار ہونے کا بوجھ اتنا زیادہ رہتا ہے کہ کبھی کبھی میں اسٹارڈم سے بہت پریشان ہوجاتی ہوں میں ساری زندگی اس طرح سے نہیں جی سکتی۔ صبح اٹھو، گھنٹوں تک آئینے کے سامنے بیٹھو، میک اپ کرو،کاسٹیومس پہنواورشوٹنگ اورپارٹیز پر جائو۔کنگنانے کہا کہ میں ایک عام انسان کی طرح زندگی گزارنا چاہتی ہوں جو میراپیدائشی حق ہے۔ میں ٹریک پینٹس پہننا چاہتی ہوں، کرانہ خریدنے اسٹور پر جاناچاہتی ہوں، کھانا پکانا چاہتی ہوں نیویارک میں لوگ بالی ووڈاسٹارس کو پہچانتے نہیں ہیں۔ وہاں میںالگ انسان بن جاتی ہوں ۔
