ممبئی( وارتا)بالی ووڈکی دبنگ گرل سوناکشی سنہا کو اولمپک فاتح مکے باز وجیندرسنگھ نے مکے بازی کی تربیت دی ہے۔سوناکشی سنہا نے اپنے کیریئر کی شروعات۲۰۱۰ میںآئی فلم دبنگ سے کی تھی ۔ سوناکشی نے اب تک جتنی بھی فلموں میں کام کیا ہے ان میں ان کی شبیہ رومانی اداکارہ کے طورپر رہی ہے بتایاجاتا ہے کہ سوناکشی اپنی آنے والی فلم ہالی ڈے فلم میں ایک نئے کردار میں نظرآئیںگی ۔ بتایا جاتا ہے کہ ہالی ڈے میں سوناکشی سنہا نے کئی اسٹنٹ مناظر کئے ہیں۔ جن میںوہ مکے بازی کرتی نظرآئیں گی جس کیلئے وجیندرسنگھ نے انھیں تربیت دی ہے۔وجیندر سنگھ نے کہا کہ میں نے سوناکشی کو اپنے جم میں کچھ دن کیلئے تربیت دی ۔ کھانے پینے سے متعلق کچھ ٹپس بھی ان کے ساتھ شیئر کی انھیں صرف گھر کا کھانا کھانے کی صلاح دی۔ فلمساز وپل شاہ نے بتایا کہ فلم کے ہیرواکشے کمار نے سوناکشی کو تربیت دینے کیلئے وجیندرسے بات کی تھی ۔واضح رہے کہ ہالی ڈے کی ہدایت کاری جنوبی ہندکی فلموں کیمشہورہدایت کاراے آرمروگاداس کررہے ہیں۔ مروگاداس اس سے قبل عامر خان کو لیکر گجنی بناچکے ہیں۔ ہالی ڈے۲۰۱۲ میںآئی فلم تھپکی کی ریمیک ہے اس فلم میں سوناکشی کے اپوزٹ اکشے کمار ہے۔یہ فلم چھ جون کو ریلیز ہوگی۔وہیں سوناکشی سنہا سلوراسکرین پر جنوبی ہند کی فلموںکے معروف اداکار رجنی کانت کے ساتھ رومانس کرنے جارہی ہیں۔فلم کوچادائیاں کے بعدرجنی کانت اپنی نئی فلم شروع کرنے جارہے ہیں۔بتایا جاتا ہے کہ کے ایس روی کمارکی ہدایت میںبننے والی اسی فلم میں رجنی کانت کے اپوزٹ سوناکشی سنہا اورجنوبی ہند کی اداکارہ انوشکاشیٹی کا انتخاب کیا گیا ہے۔سوناکشی سنہا کو فلم کی اسکرپٹ بہت پسند آئی ہے سوناکشی اس فلم میں رجنی کانت کے ساتھ کام کرنے کو لیکر بیحد پرجوش ہیں۔سوناکشی سنہا کے مطابق اس طرح کا موقع کم ہی لوگوں کو ملتا ہے۔ سوناکشی کا کہنا ہے کہ اگر وہ جنوب کی فلم انڈسٹری میں قدم رکھنا چاہیں تو اس سے بڑاموقع انھیں نہیں ملے گا۔ سوناکشی فلم کی شوٹنگ کا بے صبری سے انتظار کررہی ہیں۔ سوناکشی کے لئے تمل زبان کی فلم کرناایک چلینج ہے لیکن وہ اس کیلئے تیارہیں یہ فلم تمل کے ساتھ ہندی میںبھی ریلیزہوگی۔واضح رہے کہ ایشوریہ نے رجنی کانت کے ساتھ روبوٹ میں کام کیا تھا وہیںدیپکا نے رجنی کانت کے ساتھ کوچادائیاںمیں کام کیا ہے اوراب سوناکشی سنہا بھی رجنی کانت کے ساتھ کام کرنے جارہیں ہیں۔بتایاجاتا ہے کہ فلم کی شوٹنگ مئی میں شروع کی جائے گی۔
