اپنے طور پر فلم ہٹ کرانے کی صلاحیت رکھتی ہیں کنگنا

جیسے – جیسے بالی وڈ اسٹار کی چمک بڑھتی جاتی ہے ویسے – ویسے اسٹارڈم میں بھی اضافہ ہوتا ہے لیکن یہ بات کنگنا راناوت کے ساتھ فٹ نہیں بیٹھتی ۔ کیونکہ انہوں نے اب تک کافی اچھی فلمیں کی ہیں ، حال ہی میں ریلیز ان کی فلم ‘کوئن ‘ میں ان کے رول کی کافی تعریفیں ملی اس کے باوجود وہ اپنی ہم عصر ہیرئنوں جیسے دپیکا پڈوکون ، پرینکا چوپڑا ، کٹرینہ کیف سے اسٹارڈم کے معاملے میں پیچھے نظر آتی ہیں ۔ تاہم کنگنا واحد ہیروئین ہیں جو اپنے طور پر فلم ہٹ کرانے کی صلاحیت رکھتی ہیں ۔ اس کے باوجود دوسری ہیروئینوں جیسی شہرت انہیں نہیں مل پائی ۔ بھٹ کیمپ کی ‘ وہ لمحے ‘ اور گینگسٹر جیسی فلموں کے ذریعے انہوں نے چونکانے والے رول کئے ۔ مدھر بھنڈارکر کی فلم ‘ فیشن ‘ سے ان کی موجودگی میں پختگی ملی ۔ اتنا ہی نہیں وہ اپنی کو اسٹار ہیرئنوں پر بھاری پڑتی نظر آئیں ۔ کنگنا بینڈٹ کوئین کی طرز پر بنائی گئی تگمانشو دھلیا کی فلم ریوالور رانی میں ہے ۔ اس طرح وہ اپنے مختلف رول کے ذریعہ ثابت کرنا چاہتی ہیں کہ وہ بھی کسی سے کم نہیں ۔ لیکن اس میں وہ کہاں تک کامیاب ہوتی ہے اس کا سارا دارومدار ناظرین پر ہے ۔