وریندر سہواگ کی مدد سے بہتر کرکٹر بن سکا : سندیپ شرما

دبئی ۔کرس گیل اور وراٹ کوہلی جیسے بلے بازوں کے خلاف ملی کامیابی سے حوصلہ افزائی پنجاب کے نوجوان میڈیم فاسٹ بولر سندیپ شرما نے کہا کہ وریندر سہواگ نے انہیں بہتر کرکٹر بننے میں مدد کی۔انہوں نے آئی پی ایل کی سرکاری ویب سائٹ سے کہا ویرو شاندار انسان ہیں۔نیٹ پر ہم بلے باز کو غیر حقیقی فیلڈ بتا کر گیند بازی کرتے ہیں ۔کئی بار میں اپنی فیلڈ کے مطابق گیند نہیں رکھتا اور وہ دیکھ لیتے ہیں تو بلے بازی روک کر مجھ سے بات کرتے ہیں ۔وہ بتاتے ہیں کہ میں نے کہاں غلطی کی ۔شرما نے کہا ، وہ کمال کے انسان ہیں ۔ میں بہت خوش قسمت ہوں کہ پنجاب ٹیم میں ہوں جہاں ویرو کے ساتھ کھیلنے کو مل رہا ہے۔ وہ بچپن سے میرے پسندیدہ بلے باز ہیں اور اب میں ان کے ساتھ کھیل کر بہت کچھ سیکھ رہا ہوں ۔لکشمی بالاجی سے ملے مشورہ پر انہوں نے کہا بالا نے حالات کے مطابق گیند بازی کرنے اور اپنا ضبط برقرار رکھنے میں کافی مدد کی ۔ وہ آئی پی ایل کا ساتواں اجلاس کھیل رہے ہیں اور کافی مشکل حالات سے گزرے ہیں ۔اس بارے میں
ان سے بات کر کے ذہنی اور جسمانی تیاری میں کافی مدد ملتی ہے ۔