حزب اللّٰہ نے حملے نہ روکے تو بیروت کو نشانہ بنائیں گے، نیتن یاہو

اسرائیلی وزیراعظم نیتن یاہو نے کہا کہ ٹرمپ سے کہہ دیا ہے کہ حزب اللّٰہ نے حملے نہ روکے تو ہم بیروت کو نشانہ بنائیں گے۔

نیتن یاہو نے کہا کہ جنوبی لبنان میں اسرائیلی فوجی کارروائیاں منصوبے کے مطابق جاری رہیں گی۔

اس سے پہلے امریکی صدر ڈونلڈ ٹرمپ اور اسرائیلی وزیراعظم نیتن یاہو کے درمیان ٹیلی فونک رابطہ ہوا تھا۔

اسرائیلی میڈیا کے مطابق دونوں رہنماؤں نے خطے کی تازہ صورتحال اور حالیہ پیش رفت پر تبادلہ خیال کیا۔

گفتگو کے دوران علاقائی امور اور موجودہ حالات سے متعلق مختلف معاملات بھی زیرِ غور آئے۔