حادثہ میں موٹرسائیکل سوار دو خواتین کی موت

بدیواں (بھاشا)اترپردیش میں بدایوں ضلع کے فیض گنج بہٹا تھانہ حلقہ میں گزشتہ شب کسی گاڑی کی زد میں آجانے سے موٹرسائیکل پر سوار دوعورتوں کی موت ہوگئی۔جبکہ موٹرسائیکل چلانے والا نوجوان بری طرح زخمی ہوگیا۔ سینئر سپرنٹنڈنٹ پولیس اتل سکسینہ نے آج بتایا ہے کہ فیض گنج بہٹا تھانہ حلقہ میں گزشتہ شب سنیل نامی نوجوان اپنی ماں (۵۰)سالہ انگوری بے بی اور ۳۲سالہ عورت منجو کو موٹرسائیکل پر بٹھا کر کہیں جارہاتھا کہ نامعلوم گاڑی کی زد میں آگیا ۔ انہوں نے بتایا کہ دونوں عورتوں کی موقع پر ہی موت ہوگئی جبکہ نوجوان کو نازک حالت میںاسپتال میں داخل کرایا گیا ہے۔