سعودی بحری جہازوں پر حوثی حملے: پاکستان کے لیے سفارتی امتحان

پاکستان اور سعودی عرب اسٹریٹیجک دفاعی شراکت دار ہیں، لیکن ماہرین کا کہنا ہے کہ ایران کے حمایت یافتہ حوثی باغیوں کی مخالفت کے معاملے میں اسلام آباد کے ہاتھ بندھے ہوئے ہیں۔

یمن کے دارالحکومت صنعاء میں 20 جولائی 2026 کو ہزاروں حوثی حامی ایک سعودی مخالف ریلی میں شریک ہیں
حوثی گروپ نے گزشتہ ہفتے اعلان کیا تھا کہ وہ سعودی عرب کے خلاف “بحری ناکہ بندی” نافذ کرے گاتصویر:

گزشتہ ہفتے ایرانی حمایت یافتہ یمنی حوثی باغیوں کے گروپ کی جانب سے بحیرہ احمر میں سعودی تیل بردار بحری جہازوں پر ہونے والے حملوں کی پاکستان نے سخت مذمت کی اور خبردار کیا کہ یہ کشیدگی پورے خطے کو اپنی لپیٹ میں لے سکتی ہے۔

پاکستانی وزارت خارجہ نے ایک بیان میں کہا کہ بحیرہ احمر میں پاکستانی بحری مفادات یا پاکستانی پرچم بردار جہازوں کو لاحق کسی بھی خطرے کا مناسب اور قانونی جواب دیا جا سکتا ہے۔

حوثیوں کی جانب سے جنوبی سعودی عرب پر میزائل حملوں کے بعد پاکستان کی وزارت خارجہ نے اس دفاعی معاہدے کے لیے اپنے ‘غیر متزلزل عزم‘ کا اعادہ بھی کیا۔

دوسری جانب پاکستان کے ایران کے ساتھ بھی قریبی تعلقات ہیں، اور حالیہ مہینوں میں اسلام آباد، تہران اور واشنگٹن کے درمیان جاری کشیدگی کم کرانے کے لیے ایک اہم ثالث کا کردار بھی ادا کرتا رہا ہے۔