بالی وڈ اداکارہ ایشوریا رائے کی 40 ویں سالگرہ

ممبئی …بالی ووڈ اداکارہ ایشوریارائے آج 40برس کی ہوگئی ہیں۔ وہ تواپنی سالگرہ منائیں گی مگر ساتھی ہی لالی ووڈکی اداکارائیں بھی اصل عمرظاہرکرنے کاسوچنے لگی ہیں۔ ایشوریا رائے بچن یکم نومبر1973کو ہندوستان کے شہر مینگلور میں پیدا ہوئیں۔ ایشوریا رائے کو 1994 میں مس ورلڈ بنے کا اعزاز حاصل ہوا۔ انہوں نے فنی کیریئرکا آغاز تامل فلم ارووار سے کیا۔انہوں نے1997 میں فلم ” اور پیار ہوگیا “ سے بالی وڈ میں انٹری دی اور اس کے بعد کبھی پیچھے مڑ کر نہیں دیکھا۔ ان کی پہلی سپر ہٹ فلم ہم دل دے چکے صنم تھی۔ ایشوریا رائے کو ان کی شاندار اداکاری پر کئی ایوارڈ سے بھی نوازا گیا۔ ایشوریا نے کئی بین الاقوامی فلموں میں بھی کام کیا ہے۔ایشوریا رائے کی شادی بالی ووڈ کے بگ بی کے بیٹے اور مشہور اداکار ابھیشک بچن سے2007 میں ہوئی جن سے ان کی ایک بیٹی بھی ہے۔ شادی کے بعد انہوں نے فلموں میں کام کرنا کم کردیا ہے تاہم ان کی فلم جودھا اکبراور روبوٹ کی کامیابی نے ثابت کردیا کہ وہ پہلے کی طرح مقبول ہیں۔