ٹی وی ایس نے پیش کیا موٹرسائیکل کا نیا ماڈل

چنئی (بھاشا) دوپہیہ اور تین پہیہ بنانے والی کمپنی ٹی وی ایس موٹرسائیکل نے آج اپنی ۱۱۰ سی سی موٹرسائیکل اسٹار سٹی اور اسٹار سٹی پلس کا نیا ماڈل پیش کیا۔ نئے ماڈل ایندھن کھپت کے لحاظ سے حساس گاہکوں کو دھیان میں رکھتے ہوئے بنائے گئے ہیں۔ کمپنی کے نئے ماڈل ٹی وی ایس اسٹار پلس کی ایکس شوروم قیمت دہلی میں ۴۴۰۰۰ روپئے ہے کمپنی کا دعویٰ ہے کہ یہ ایک لیٹر پٹرول میں ۶۸کلومیٹر کا سفر طے کرے گی۔چنئی کی کمپنی ابتدائی سطح پر موٹرسائیکل اسٹار سٹی اسپورٹ کی پیشکش کر رہی ہے۔
اس کے علاوہ ۱۲۵ سی سی فینکس اور اونچی سطح پر اپاچی آر ٹی آر رینج کی موٹرسائیکل بناتی اور فروخت کرتی ہے۔ اس کے علاوہ کمپنی جوپیٹر، ویگو، اسکوٹی اسٹریک اور اسکوٹی پیپ پلس بھی فروخت کرتی ہے۔