ممبئی(وارتا)جنوبی ہندفلموں کے معروف اداکارہ رجنی کانت بھی اب مائیکروبلاگنگ سائٹ ٹوئیٹر سے منسلک ہوگئے ہیں۔ سوشل میڈیا سے اب تک دوررہنے والے سپراسٹاررجنی کانت نے ٹوئیٹر پر دھماکیدار انٹری کی ہے ۔ ٹوئیٹر پر رجنی کانت کے مداحوں کی تعداد میں کافی تیزی سے اضافہ ہورہاہے۔ سپراسٹار رجنی کے نام سے ان کا اکائونٹ کھولاگیا ہے۔ رجنی کانت نے اپنا پہلاٹوئیٹ ’ایشور‘کو وقف کیا ہے انھوں نے لکھا کہ ایشورکا شکریہ ۔سبھی لوگوں کا شکریہ،میرے مداحوں بہت بہت شکریہ ، میں اپنے ڈیجیٹل سفرکو لیکر پرجوش ہوں میں سوشل میڈیا پر اپنے مداحوں سے مل کر خوش ہوں ۔ رجنی کانت نے اپنی آنے والی فلم کوچادائیاں کاپوسٹربھی شیئرکیا ہے یہ فلم ۹؍مئی کو بین الاقوامی سطح پر چھ ہزار سنیماگھروںمیں چھ زبانوںمیں ایک ساتھ ریلیز کی جارہی ہے۔
