لکھنؤ۔ (نامہ نگار)۔ کانگریس پارٹی کے سینئر و اہم لیڈروں کے ذریعہ پارٹی کے امیدواروں کی حمایت میں کل مختلف پارلیمانی حلقوں میں انتخابی جلسوں کا انعقاد کیاگیا ہے۔ مذکورہ اطلاع دیتے ہوئے ریاستی کانگریس کے ترجمان آر پی سنگھ نے بتایا کہ آل انڈیا کانگریس کمیٹی کے نائب صدر راہل گاندھی نے ڈومریا گنج، بانس گاؤں اور دیوریا پارلیمانی حلقہ میں کانگریس امیدواروں کی حمایت میںانتخابی جلسوں کو خطاب کریں گے،مسٹر سنگھ نے بتایا کہ رکن پارلیمنٹ پرمود تیواری اور کانگریس پارٹی کی امیدوار و فلمی اداکارہ نغمہ جونپور، رکن پارلیمنٹ پی ایل پنیا اور اترپردیش کانگریس کمیٹی کی ریاستی صدر ڈاکٹر ریتا بہوگناجوشی، لال گنج ، گھوسی اور وارانسی پارلیمانی حلقوں میں، کانگریس پارٹی کے اہم لیڈر محمد کیف جونپور، اعظم گڑھ، گھوسی اور پلیہا پارلیمانی حلقوں میں کانگریس امیدواروں کی حمایت میں انتخابی جلسوں کو خطاب کریں گے۔
