پنجاب کی نظریں ٹاپ پر جگہ بنانے پر : ڈاویس

 بنگلور ۔ کنگز الیون پنجاب کے بولنگ کوچ جو ڈاویس نے آج کہا کہ ان کی ٹیم کی نظریں پوائنٹس ٹیبل میں سب سے اوپر جگہ بنانے پر ٹکی ہے جس سے کہ انہیں موجودہ انڈین پریمیئر لیگ کے فائنل میں جگہ بنانے کے دو مواقع ملے ۔اوپر دو میں جگہ بنانے والی ٹیموں کو فائنل کے لئے کوالیفائی کرنے کے دو موقع ملیں گے ۔ ڈاویس نے یہاں نامہ نگاروں سے کہا ہاں ہم ایک اور جیت کے بارے میں سوچ رہے ہیں جس سے کہپلے آف میں جگہ بنا لیں ۔ ہم پہلے مقام پر رہنا چاہتے ہیں جس سے کہ فائنل کے لئے کوالیفائی کرنے کے دو موقع ملے ۔ ہم جیت رہے ہیں اور ہم اس کارکردگی کو جاری رکھنا چاہتے ہیں ۔وریندر سہواگ ، گلین میکسویل اور ڈیوڈ ملر کی تعریف کرتے ہوئے ڈاویس نے کہا کہ ان جیسے بلے بازوں کی وجہ سے ہی پنجاب کی ٹیم اتنے میچ جیت رہی ہے ۔ انہوں نے کہاجب میکسویل ، ڈیوڈ ملر اور وریندر سہواگ جیسے بلے باز کھیل رہے ہوں تو بڑا اسکور اپنے آپ بن جاتا ہے ۔ ہمارے پاس تین سے چار ایسے کھلاڑی ہیں جو فی الحال شاندار فارم میں ہیں اور ہم ان کا پورا فائدہ اٹھانے کی کوشش کر رہے ہیں ۔ ڈاویس نے ساتھ ہی سندیپ شرما کی تعریف کرتے ہوئے کہا کہ گیند کو سوئنگ کرانے کی صلاحیت کی وجہ سے ٹیم میں فاسٹ بولر کا اہم کردار ہے ۔