سوشلسٹ پارٹی کے رہنماؤں کی مود ی پر تنقید

گورکھپور (نامہ نگار)سوشلسٹ پارٹی انڈیا کے ریاستی صدر گریش کمارپانڈے، گووردھن پرساد گوڑاور قومی نائب صدر ڈاکٹر سندیپ پانڈے نے کہا کہ بی جے پی کے وزارت عظمیٰ کے امیدوار نریندر مودی کے دعوے کھوکھلے ہیں۔انہوں نے کہا کہ مودی نے جو گنگا کی صفائی کی بات کی ہے وہ اس سے قبل اروند کیجریوال بھی کرچکے ہیں۔لیڈران نے کہا کہ مودی صرف گجرات کے دم پر پورے ہندوستان کی ترقی کی بات کررہے ہیں۔گنگا سے زیادہ آلودہ سابرمتی ہے جس کی صفائی برسوں سے نہیں کرائی گئی ہے۔گجرات میں انڈسٹیرئیل تجارت زیادہ ہے جس کی آلودگی آخر کس ندی میں جاتی ہے۔ظاہر ہے کہ یہ آلودگی سابرمتی ندی میں ہی جاتی ہوگئی جو گجرات میں واقع ہے۔