اسمتھ اور فاکنر نے ناقابل یقین اننگز کھیلی : واٹسن

بنگلور۔ راجستھان رائلز کے کپتان شین واٹسن نے اسٹیون اسمتھ اور جیمز فانر کی ناقابل یقین اننگز کی جم کر تعریف کرتے ہوئے کل یہاں رائل چیلنجرز بنگلور پر پانچ وکٹ کی جیت کو بڑی جیت قرار دیا ۔ واٹسن نے میچ کے بعد کہا کہ ہماری جس طرح کی بلے بازی ہے اس سے مجھے یقین تھا ۔ ہم جانتے تھے کہ ہر سطح پر ہم آرسی بی کے رن ریٹ سے آگے ہیں اور ہم جانتے تھے کہ آخری پانچ اوورز میں ہم اس طرح کا کچھ کریں گے ۔انہوں نے کہا ا سٹیو اسمتھ اور جیمزفاکنر نے آخر میں ناقابل یقین اننگز کھیلی ۔خاص طور ایک وقت ہم جس طرح کی نازک صورتحال میں اسے دیکھتے ہوئے یہ بہت بڑی کامیابی ہے ۔رائل چیلنجرز بنگلور کے کپتان کوہلی نے ہار کا ٹھیکرا اپنے گیند بازوں کے سر پھوڑا جو آخری اوورز میں صحیح کردارادا نہیں کر پائے ۔ انہوں نے کہا ہم آخری اوورز میں صحیح جگہ پر شاٹ نہیں کھیل پائے ۔انہوں نے چار اوور میں 64 رن بنا دئے ۔دس میں سے نو بار ایسا کرنا ممکن نہیں ہے ۔ انہوں نے بہت اچھی بلے بازی کی لیکن ہمیں صحیح شاٹ کھیلنے چاہئے تھے ۔ کوہلی نے کہا میں نے اپنے ساتھیوں کو پہلے ہی آگاہ کر دیا کہ اس میدان پر تیزی سے رن بنتے ہیں اور اس لئے کسی بھی وقت یہ نہیں سمجھیں کہ اب میچ ہمارے حق میں ہے ۔مین آف دی میچ پھفاکنر نے کہا کہ انہیں ایم چنا سوامی اسٹیڈیم میں بلے بازی کرنے میں مزہ آتا ہے ۔انہوں نے کہا میں بولنگ کے بارے میں نہیں جانتا لیکن گزشتہ دو بار جب میں یہاں پر کھیلا تو میں نے میدان کے چاروں طرف شاٹ جمائے ۔اسٹیون نے 18 ویں اوور میں شاندار بلے بازی کی ۔ اس سے ہم ہدف کے قریب پہنچے اور پھر جو کچھ ہوا وہ تاریخ ہے ۔