بقیہ میچوں میں بہترمظاہرہ کرے گی ٹیم : سیمی

 نئی دہلی ۔ویسٹ انڈیز کے آل رائونڈرڈیرین سیمی نے اعتماد ظاہر کیا کہ ان کی ٹیم سنراجرس حیدرآباد آئی پی ایل آنے والے میچوں میں اچھی کارکردگی کا مظاہرہ کرکے آئی پی ایل پلے آف میں جگہ بنائے گی۔سیمی نے کہا ہم نے ابھی تک اپنی اعلی کارکردگی کا مظاہرہ نہیں کیا ہے لیکن ہم صحیح وقت پر فارم میں واپس آ رہے ہیں۔پلے آف کیلئے کوالیفائی کرنے کے بعد ہم اپنی بہترین کارکردگی کریں گے۔ٹیسٹ کپتانی چھینے جانے کے بعد ٹیسٹ کرکٹ کو الوداع کہنے والے سیمی
نے کہا ہم ایک اکائی کے طور پر اچھی کارکردگی کا مظاہرہ کر رہے ہیں۔ کھلاڑیوںمیں تال میل اچھا ہے اور وہ اپنی بہترین کارکردگی کی کوشش میں ہیں۔امید ہے کہ آنے والے میچوں میں کارکردگی کے بہترہونے کی امید ہے۔  ویسٹ انڈیز کے ٹی 20 کپتان نے اس بات کو مسترد کیا کہ دو کپتانوں کو ایک دوسرے کے ساتھ تال میل میں دقت ہوتی ہے۔ سنراجرس کے کپتان اس سیشن میں شکھر دھون ہیں۔انہوں نے کہا مجھے کسی کے ساتھ دقت نہیں ہوتی۔میں نے گزشتہ سیشن میں کمار سنگاکارا کے ساتھ کھیلا اور اسے کوئی دقت نہیں ہوئی۔پھر کیمرون وائٹ کے ساتھ بھی کھیلا۔کرکٹ ٹیم کا کھیل ہے ، ذاتی نہیں۔