کوئی بھی مسلمان ایم پی اترپردیش سے نہیں

لکھنئو، 18 مئی (یو این آئی) سولہویں لوک بھا کے انتخابات میں اترپردیش کی 80 سیٹوں میں سے 19 سیٹوں پر مسلم امیدوار رنراپ بنے لیکن ریاست کی کسی بھی سیٹ پر مسلمان امیدوار کامیاب نہیں ہوا۔رنر اپ امیدواروں میں سماجوادی پارٹی کے امیدوار سرفہرست ہیں جس کے 10 مسلم امیدوار دوسرے نمبر پر رہے جبکہ بہوجن سماج پارٹی کے سات مسلمان امیداور اور کانگریس کے 2 مسلمان امیدوار رنراپ رہے۔ریاست کی تین اہم جماعتوں نے مجموعی طور پر 44 مسلمان امیدواروں کو ٹکٹ دیا تھا لیکن ان میں سے کوئی بھی کامیاب نہیں ہوا۔ مزے کی بات یہ ہیکہ بی ایس پی نے سب سے زیادہ 19 مسلم امیدواروں کو ٹکٹ دیا تھا۔ سماجوادی پارٹی نے 14 اور کانگریس نے 10 مسلمان امیدواروں کو ٹکٹ دیا تھا۔