شاہ رخ خان کے دیوانے ہیں پارنیل اور ڈومنی

 نئی دہلی۔ہندوستان میں ڈانس ریلٹی شو میں حصہ لینے کے خواہش مند جنوبی افریقہ کرکٹر جے پی ڈومنی اور وین پارنیل ہندوستانی کھانے ،بالی وڈ اور سپر اسٹار شاہ رخ خان نے دیوانے ہیں۔  آئی پی ایل کی دہلی ڈیرڈیولس ٹیم کے رکن ڈومنی کو ہندوستان کی مہمان نوازی بے حد راس آتی ہے اور ممبئی ان کا پسندیدہ شہر ہے۔ وہیں ان کے ساتھی کھلاڑی پرنیل ہندوستانی کھانے کے شوقین ہیں۔ پہلے ممبئی انڈینس کے لئے کھیل چکے ڈومنی نے جنوبی افریقہ کی ریلیز میں کہا مجھے ہندوستان کی مہمان نوازی کا انداز بہت پسند ہے۔ ہندوستان میں میرا پسندیدہ شہر ممبئی ہے جس میں کئی بہترین ہوٹل اور شاندار نائٹ لائف ہے ۔یہ پوچھنے پر کہ کیا موقع ملنے پر وہ سری لنکا کے سابق سلامی بلے باز سنت جے سوریہ کی طرح ہندوستان میں کسی ڈانس ریلٹی شو میں حصہ لینا چاہیں گے دونوں نے ہاں میں جواب دیا۔ دونوں نے کہا بالکل اس کے لئے ہم تیار ہیں۔ بالی و وڈ فلموں کے شوقین ڈومنی نے اپنے پسندیدہ اداکار کے
بارے میں پوچھنے پر کہا مجھے بالی وڈ فلمز بہت پسند ہے اور شاہ رخ میرے پسندیدہ اداکار ہیں۔پارنیل کا جواب تھا میں نے بالی ووڈ کی مزید فلمز تو نہیں دیکھی ہے لیکن مجھے شاہ رخ بہت پسند ہیں۔شاہ رخ آئی پی ایل کی کولکاتا نائٹ رائڈرس ٹیم کے مالک ہیں۔ ڈومنی کو جہاں ہندوستانی کھانوں میں سیبٹرپسند ہے وہیں پارنیل بٹر چکن کے شوقین ہیں۔ڈومنی نے کہا میں ہندوستان میں ہر سال آتا ہوں لیکن ابھی تک میں نے اسٹریٹ فوڈ نہیں کھایا ہے۔ ویسے ہندوستانی کھانے میں مجھے بٹر چکن پسند ہے۔وہیں پارنیل کا جواب تھاہندوستان میں ملنے والا بٹر چکن اور تندوری چکن لاجواب ہے۔اس کے ساتھ نان کا مزہ ہی کچھ اور ہے۔  سال میں دو بار ہندوستان آنے والے پارنیل کو ہندوستان میں سب سے اچھا تاج محل لگتا ہے۔ انہوں نے کہا ہندوستان میں تاج محل میرا فیوریٹ ہے۔ یہ نہایت ہی خوبصورت ہے۔