کانپور (نامہ نگار)ہٹیا واقع برتن بازار میں شارٹ سرکٹ سے آگ لگنے کی وجہ سے افراتفری مچ گئی۔ علاقائی لوگوں نے واقعہ کی اطلاع فائر بریگیڈ کو دی۔موقع پر پہنچے فائر بریگیڈ کے ملازمین نے آگ پر قابو پایا۔ہربنس محال تھانہ حلقہ میں واقع بھوسا ٹولی برتن بازار میں صبح بجلی کے کھمبے سے شارٹ سرکٹ ہونے لگا۔جس کی وجہ سے کھمبے سے گھروں میں جانے والے تار میں آگ لگ گئی۔ جسے دیکھ کر علاقہ میں افراتفری مچ گئی۔علاقائی لوگوں نے فائر بریگیڈ اوربجلی سب اسٹیشن کو اطلاع دی۔ آناً فاناً بجلی بند کردی گئی اور فائر بریگیڈ کی گاڑی اپنے ملازمین کے ساتھ پہنچ گئی۔ آدھے گھنٹے میں بڑی مشقت سے آگ پر قابو پایا جاسکا۔ کیبل میں آگ لگنے ے کئی گھروں میں بجلی منقطع ہوگئی۔ بجلی محکمہ کے ملازمین بجلی سپلائی بحال کرنے کی کوشش کررہے ہیں۔
