اداکاری ،گلوکاری کے بعد پروڈےکشن کے مےدان مےں پرےنکا چوپڑا

ممبئی: بالی ووڈ اداکارہ پریانکا چوپڑا جو اداکاری کے بعد گلوکاری کے میدان میں اپنا سکا منواچکی ہیں۔اب کے پروڈکشن کی فیلڈ میں بھی قدم رکھ رہی ہیں بھارتی میڈیا کے مطابق پریانکا چوپڑا فلمساز ادارے بھنڈارکر فلمز کے بینر تلے بنائی جانیوالی فلم ” مادام جی میں مرکزی کردار ادا کرنے کے ساتھ ساتھ اس کی معاون پروڈیوسر کے فرائض بھی انجام دیں گی۔ اس سلسلہ میں ذرائع کا کہنا ہے کہ پریانکا چوپڑا جو حال ہی میں بارسلونا میں زویا اختر کی فلم دل دھڑنے دو کی شوٹنگ سے واپس آئیں ہیں نے مدھر بھنڈارکر سے ملاقات کی اور انھیں معاون پروڈیوسر بننے کے ارادے سے آگاہ جس پر انھوں نے فوراً امادگی کا اظہار کردیا۔فلم کا مرکزی خاتون سیاستدان جے للیتا کی حقیقی زندگی سے متاثر ہے اور اس کی کہانی ایک ایسی اداکارہ کے گرد گھومتی ہے جو کچھ ہی دنوں میں ایک بڑی سیاستدان کے روپ مین دنیا کے سامنے آجاتی ہے اداکارہ سے سیاستدان بننے والی خاتون کے گرد گھومتی ہے اور پریانکا چوپڑا فلم میں یہی کردار نبھارہی ہیں۔ اطلاعات کے مطابق فلم کی شوٹنگ اکتوبر کے وسط میں شروع کی جائے گی جب کہ اسے آئندہ برس سینما گھروں کی زینت بنایا جائے گا۔ پریانکا چوپڑا کا کہنا ہے کہ میں پہلی اداکارہ نہیں ہوں جو پروڈیوکشن کی طرف بھی آرہی ہوں میں اپنے کیرئیر میں ہروقت کچھ نیا کرنا چاہتی ہوں اوراسی وجہ سے میں نے اداکاری کے ساتھ گلوکاری میں بھی اپنی صلاحیتوں کا لوہا منوایا اور لوگوں نے نے فلموں میں پرفارمنس کے ساتھ ساتھ میرے گائے جانے والے گانوں کو بھی پسند کیا ہے۔اب مدھر بھنڈرارکر کے ساتھ فلم مادام جی میں مرکزی کردار ادا کرنے کے علاوہ معاون پروڈیوسر کے طوربھی فرائض انجام دوں گی۔ پریانکا چوپڑا جو خاتون باکسر میری کوم کی زندگی پر بنائی جانیوالی فلم میں میری کوم کا کردار نبھا رہی ہیں کا کہنا تھا کہ ان دنوں بالی ووڈ میں خواتین کے حالات زندگی پر بہت زیادہ فلمیں بنائی جارہی ہیں اور یہ ٹرینڈ بہت اچھا ہے اس سے اداکاراو¿ں کو بھی ایک ہیرو کی طرح کام کرنے کا موقع مل رہا ہے جب کہ اس سے پہلے ہیروئن کا زیادہ تر کردار ہیرو کے گرد گھومنا ہی ہوتا تھا مگر اب وہ بھر پور طریقے سے اپنی صلاحیتوں کا اظہار کررہی ہیں۔بالی ووڈ اداکارہ پریانکا چوپڑا کا کہنا ہے کہ انھیں اپنی زندگی پر بننے والی فلم سے کوئی پریشانی نہیں ہے لیکن اسے صحیح وقت پر بنایا جانا چاہیے۔بھارتی میڈیا کے مطابق اسیم مرچنٹ پریا نکا کی زندگی پر ایک فلم بنانے جارہے ہیں۔ کہا جاتا ہے کہ اسیم پریانکا کے ماڈلنگ کے دنوں میں ان کے دوست تھے۔ اور آخری بار سلمان خان کی فلم وانٹڈ میں ایک چھوٹے سے کردار میں نظر آئے تھے۔ پریانکا پر بننے والی فلم کے ساتھ وہ فلمسازی کے شعبہ میں قدم رکھیں گے۔پریانکا نے کہا کہ اچھا لگا یہ جان کر کہ لوگ میری زندگی پر فلم بنارہے ہیں لیکن مجھے نہیں لگتا ہے کہ میں اتنی بڑی اداکارہ ہوں کہ کوئی میری زندگی پر فلم بنائے۔ فی الحال پریا نکا ہندوستانی باکسر میری کام کی زندگی پر بننے والی فلم میں مرکزی کردار ادا کر رہی ہیں۔