وشاکھا کو سمجھ میں آئی اپنی بے پناہ مقبولیت کی وجہ

فلم ’فکرے‘ اور ’کھیلیں ہم جی جان سے‘ جیسی فلموں میں کام کرنے والی اداکارہ وشاکھا سنگھ کے ساتھ کانز فلمی میلے میں ایک دلچسپ واقعہ پیش آیا۔جب وشاکھا سج دھج کر ریڈ کارپٹ پر پہنچیں تو اچانک لوگ زور زور سے چلانے لگے اور وہاں موجود پریس فوٹوگرافرز ان کی تصاویر اتارنے لگے۔وشاکھا حیران تھیں کہ وہ بین الاقوامی سطح پر اتنی مشہور کب ہو گئیں کہ لوگ انھیں اتنی توجہ دینے لگے۔ لیکن جلد ہی وشاکھا کو اپنی اس ’بے پناہ مقبولیت‘ کی وجہ سمجھ میں آ گئی۔دراصل وشاکھا کا چہرہ مشہور ہالی وڈ اداکارہ سلمیٰ ہایک سے بہت مشابہت رکھتا ہے اور جیسے ہی وہ ریڈ کارپیٹ پر آئیں تو لوگوں نے انھیں سلمیٰ سمجھ لیا۔ویسے وشاکھا اس سے پہلے تین بار اس تقریب میں شامل ہو چکی ہیں لیکن یہ ’حسین اتفاق‘ ان کے ساتھ پہلی بار ہوا۔