عالیہ بھٹ کی نئی فلم کا پہلا ٹریلر جاری

ممبئی: اداکارہ عالیہ بھٹ کی نئی فلم ’’ ہمٹی شرما کی دلہنیا ‘‘ کے پہلے پوسٹر کے بعد پہلا ٹریلر بھی جاری کردیا گیا ہے۔گزشتہ روز جاری کیے جانے والے فلم کے ٹریلر میں اداکارہ عالیہ بھٹ اور ورون دھون پرعکس بند کیے جانے والے مختلف مناظر کے حصے شامل کیے گئے ہیں۔ ٹریلر ریلیز کرنے کی تقریب سے خطاب کرتے ہوئے فلم کے پروڈیوسر کرن جوہر نے کہا کہ میں نے اپنی فلم ’’ہمٹی شرما کی دلہنیا‘‘ سے ’’دل والے دلہنیا لے جائینگے‘‘ کو ٹربیوٹ پیش کرنے کی کوشش کی ہے۔ فلم 11 جولائی کو نمائش کے لیے پیش کی جائے گی۔بالی وڈ کے بہت سے لوگوں کا خیال ہے کہ بھارت میں نئی حکومت کے بعد فلموں میں کئی چیزیں بدل جائیں گی۔ بہر حال نئی حکومت کے قیام سے قبل سینسر بورڈ محتاط نظر آ رہا ہے۔بورڈ نے عالیہ بھٹ اور ورون دھون کی آنے والی فلم ’ہمپٹی شرما کی دلہنیا کی شادی‘ کے پرومو پر انگلی اٹھائی ہے۔سینسر بورڈ کے مطابق فلم کے ٹریلر سے عالیہ اور ورون کے بوسے کو نکال دیا جانا چاہیے۔ اطلاعات کے مطابق بورڈ نے اس سین کو دور سے دکھانے کی اجازت تو دی ہے لیکن زوم کر کے نہیں۔یہ فلم کرن جوہر کے بینر دھرما پروڈکشن کے تحت بنائی گئی ہے۔ کرن کی ٹیم کا کہنا ہے کہ اس سے پہلے ان کی دو فلموں ’ہنسی تو پھنسی‘ اور ’2 سٹیٹس‘ کے پرومو میں بھی بوسے کا استعمال تھا تو اب کیا مسئلہ ہو گیا۔بہر حال دھرما پروڈکشن کو اب اپنی فلم کے ٹریلر سے اس سین کو ہٹانا پڑے گا۔دوسری جانب بالی ووڈ کی اداکارہ عالیہ بھٹ نے جب سے فلم ساز کرن جوہر کے ٹی وی شو کافی ود کرن میں ایک سوال کا جو جواب دیا تب سے سماجی رابطے کی ویب سائٹ ٹوئٹر پر ان کا مذاق اڑایا جا رہا ہے۔کرن جوہر نے ان سے بھارت کے حالیہ صدر کا نام پوچھا تھا جس کے جواب میں عالیہ بھٹ نے ’پرتھوی راج چوہان کو بھارت کا صدر قرار دیا۔ واضح رہے کہ بھارت کے رواں صدر پرناب مکھرجی ہیں۔ اسی لیے لوگ عالیہ بھٹ کی معلومات عامہ یعنی جنرل نالج کا مذاق ٹوئٹر پر اس انداز میں اڑا رہے ہیں۔بعض ٹویٹس پیش ہیں۔ جب عالیہ بھٹ سے پوچھا گیا کہ ’مودی کا پہلا نام کیا ہے؟تو عالیہ کا جواب تھا ، ’’اب کی بار‘‘۔ بھارت کو آزادی کب ملی؟عالیہ بھٹ نے کہاجب فلم لگان میں بھوون نے انگلینڈ کی ٹیم کے خلاف آخری گیند پر چھکا مارا۔سوال مائیکروسافٹ ( ایم ایس ) کا سب سے اچھا پروڈکٹ کون سا ہے؟عالیہ بھٹ نے جواب دیاایم ایس دھونی۔