موٹرسائیکل کی زد میں آکر نوجوان کی موت

کانپور(نامہ نگار)مخالف سمت سے آرہے موٹرسائیکل سوار نے سائیکل میں ٹکر ماردی۔ٹکر لگنے کے سبب سائیکل سوار کی موقع پر ہی موت ہوگئی جبکہ موٹرسائیکل سوار شدید طورسے زخمی ہوگیا۔ موقع پر پہنچنے کے بعد پولیس نے زخمی موٹرسائیکل سوار کو اسپتال میں داخل کرایا اور سائیکل سوار کی لاش کو قبضہ میں لے کر پوسٹ مارٹم کے لئے بھیج دیا۔ یہ حادثہ چوبے پورتھانہ علاقہ کے بانی پوروا گاؤں کے باشندے ستیش چندر کے ساتھ پیش آیا۔ستیش سائیکل سے گھر واپس جارہاتھا۔ اسی دوران مخالف سمت سے تیز رفتار موٹرسائیکل نے ان کی سائیکل میں ٹکر ماردی ٹکر لگنے کے سبب ستیش کی موقع پر ہی موت ہوگئی۔